山城小麵 (懷仁街) (已結業)

餐牌上既选择都好多，仲有套餐叫，好抵食。因为同朋友唔算好饿， 叫左个麻酱鸡丝凉面，凉面较粗身，有配青瓜丝，麻酱比较稠，芝麻味浓郁。之后叫左6粒红油炒手，上面有花生碎，食落有脆脆的口感👍🏻，而且可以根据客人口味调较辣度，我唔太食得辣，点左微辣，都接受到。之后仲叫左个手拍青瓜 ， 同好多地方唔同既系，佢既青瓜冇用蒜泥去调味，而家个种麻辣酱油既味，而且青瓜切块偏大旧，食落好满足。叫左野饮，系热既柚子茶同黑糖姜母茶，仲有其他饮品选择如豆浆。叫好多台都有加冰粉，所以我地都跟埋一份，好好味！ 糖度足够，仲有少少类似陈皮味道既干放入去，酸酸地，中和糖度。