木屋大排檔

营业中

休息中

今晚同老公想食泰国嘢，就嚟咗大埔嘅木屋大排档，因为听朋友讲过话几好味，所以就嚟试吓，坐低咗之后睇到本Menu超级多嘢选择，真系劲多款泰国菜任你拣，样样都想食嘅我哋都睇咗一阵，最终就决定咗叫一个辣椒膏肉碎炒金边粉，一个生菜包，同埋一锅冬阴功明炉海鲜，首先嚟嘅系辣椒膏肉碎炒金边粉，个人觉得比较湿啲，如果炒得干身啲就会感觉好啲，但系味道都够，唔会太过淡，系唔差嘅，然后生菜包佢分咗一只系炒嘅猪肉同一只系唔炒嘅猪肉，我哋就叫咗只炒嘅猪肉，不过个人认为呢个略嫌失色咗啲，因为期望佢炒过嘅猪肉系会好香口好惹味，但系认为麻麻地，最后一定要推介嘅最出色就系冬阴功明炉海鲜锅，好多海鲜，包括鲜虾，鱿鱼，青口，花甲，仲有粉丝荐底，最紧要嘅就系个冬阴功汤，冬阴功汤浓郁，唔好以为佢用来做左汤底会比较淡，但系系真系同冬阴功汤冇分别，钟意饮冬阴功汤嘅我觉得好好饮，至于所有海鲜都好新鲜，花甲都好大只，最好味嘅就系个粉丝朔左个冬阴功汤，下次真系可以再嚟试吓其他菜，因为佢本Menu真系好多好多款菜式俾你拣，样样都想食，值得推介👍🏻👍🏻👍🏻👍🏻