影片
更多
2015-04-22
2531 浏览
好耐冇写过食评了，得闲要追返下先得呢；寻晚刚食完放题新鲜滚热辣就写左你先啦。组长o系放题界 (XD) 都算做几多人识，我记得曾经都食过铜锣湾分店的，都觉得味道唔错而 CP 值都高的，始终佢价钱唔算贵所以唔会要求好高嘛。收工同朋友约定去尖沙咀揾食，行去亚士厘道都系贪佢选择多又唔使点等位；见佢 7pm 前入座只系 $148+10% per head，决定入去怒食发泄一下。店舖面积唔太大，都有两三台客食紧了；两个人被安排了在四人台。座位以放题黎讲都算坐得几舒服，台同台之间唔太迫，又唔算太嘈静静地都唔错。打开 menu 一睇都系放题大路野，选择都算几多丫；不过一开波梗系叫刺身同串烧啦。( p.s. 个人几欣赏佢o既点餐方法，跟 menu 填 no. 去点餐，相比起出面好多餐厅系五颜六色分哂类o既点菜纸，咁样感觉上比较环保呢 ) 饮品有唔少罐装饮品选择，啤酒都系任饮咖，亦可以散叫 sake。三文鱼牛油果军舰 - 个人好钟意食牛油果，不嬲都觉得佢同三文鱼好 match 咖，而且重点系佢块紫菜好脆 ( 好怕 d 软 lum lum 的 = =+)；所以好钟意呢个呢。天妇罗 - 点左三文鱼，冬菇同大
组长o系放题界 (XD) 都算做几多人识，我记得曾经都食过铜锣湾分店的，都觉得味道唔错而 CP 值都高的，始终佢价钱唔算贵所以唔会要求好高嘛。收工同朋友约定去尖沙咀揾食，行去亚士厘道都系贪佢选择多又唔使点等位；见佢 7pm 前入座只系 $148+10% per head，决定入去怒食发泄一下。
店舖面积唔太大，都有两三台客食紧了；两个人被安排了在四人台。座位以放题黎讲都算坐得几舒服，台同台之间唔太迫，又唔算太嘈静静地都唔错。打开 menu 一睇都系放题大路野，选择都算几多丫；不过一开波梗系叫刺身同串烧啦。( p.s. 个人几欣赏佢o既点餐方法，跟 menu 填 no. 去点餐，相比起出面好多餐厅系五颜六色分哂类o既点菜纸，咁样感觉上比较环保呢 ) 饮品有唔少罐装饮品选择，啤酒都系任饮咖，亦可以散叫 sake。
三文鱼牛油果军舰 - 个人好钟意食牛油果，不嬲都觉得佢同三文鱼好 match 咖，而且重点系佢块紫菜好脆 ( 好怕 d 软 lum lum 的 = =+)；所以好钟意呢个呢。
天妇罗 - 点左三文鱼，冬菇同大虾 - 有惊喜系三文鱼呢，切得唔算好厚所以唔会太 "漏"，而且热辣辣上台系好食 d 。冬菇系我最爱啦而且好食，不过大虾就真系唔多大啦... 好在佢 d 粉都唔太厚。后尾我地仲"香蕉天妇罗"，香蕉系意料中的甜，不过炸左又几好味，当甜品系唔错咖。
串烧 - 点左鸡软骨 / 鸡肾 / 羊肉 (冇影相啦 XD)，正常水准不过不失。
芝麻菠菜 - 冷菠菜配上日式芝麻酱，清清地都唔错。
日式猪软骨大根 - 望落啲大根好似有 d 生咁，但食落口非常软熟好够味，猪软骨亦都好 lum 入哂味；如果有白饭就好了 hahahaaa...
韩式泡菜炒鸡柳 - 泡菜就唔多觉眼但白菜就唔少，不过个汁食得出真系泡菜汁，辣辣地都唔错。
铁板牛油炒杂菌 - 呢个系我最爱呢... 牛油味好够，加埋炸蒜好香口好好味 >3<
铁板炒猪颈肉 - 猪颈肉炒得好爽口，系略嫌唔够入味。
烧菠萝 - 朋友是烧菠萝粉丝，呢个烧得唔太干身仲好 juicy；放题有得食太正了 =v=
牛奶乐 - 童年回忆而且出面都唔常见，好惊喜。=v=
可能位置问题食客唔多，我地由 7pm 坐到 10 点几都人促我地走，可以慢慢食慢慢倾，加哂分。同老板闲聊几句，又见到佢地 lunch 个餐牌都好多选择又抵食呀。望见一个叫 "吞拿鱼他他" 的觉得好奇，放题menu 就冇啦，但老板私人整左比我地试下。卖相都好靓仔呢，而且细细件好易入口；碎 tuna 上有 d 切碎洋葱同蕃茄，夹埋他他酱同饼干一齐食好 fresh；light lunch 首选 ( 但可惜我唔o系附近返工啦 :< )
整体而言食物质素都唔错呀，放题黎讲o系呢区都真系算平；下次会再黎捧场的。
张贴
