文記

营业中

休息中

之前一直听朋友话海防道熟食市场内有好间食店d野又平又抵食，于是就今日走去试下。今日其实天气好热，去这里真系冇冷气都几甘。我见到餐牌和招纸上写住有快餐丶午餐丶常餐，仲有好多炒粉面饭。我拣了常餐($33),A+B+C，吉列鱼柳丶沙爹牛通粉丶热奶茶。吉列鱼柳好大块，又热又够脆，真系有水准！沙爹牛通粉大碗，而且有好多片牛肉，牛肉不会好鞋或者多根，沙爹味反而唔够，通粉煮得比较淋左d咯！热奶茶可以好肯定话正，够热，有茶味又有奶味，完全系大排档的奶茶味！这个真系好有水准虽然天气好热，但这里的吉列鱼柳和热奶茶真系好好味。