大橋頭餐廳 (已結業)

老公约咗我去观塘食饭，佢话观塘泳池旁开咗间大桥头餐厅，食物种类多，今期推介一人火锅套餐，叫埋我过去试吓，餐厅装修简洁，灯光明亮。半自动形式，去收银处先购买食物，之后会有职员为客人送上食物。一人火锅，多种汤底中拣咗猪骨汤，汤底浓度适中，火锅料都好新鲜，肥牛肉质鲜嫩、杂丸爽口弹牙，蔬菜都有几款，配埋个弹牙乌冬都只系68蚊，好抵食！铁板杂扒饭配黑椒汁，第一次食饭系用铁板，上枱热辣辣，杂扒有猪扒、鸡扒、午餐肉、肠仔、薯饼和煎蛋，所有材料都煎得很香，啖啖都系肉，配咗黑椒汁好惹味，重有浓郁嘅罗宋汤𩠌送。试咗几款车仔𩠌：瑞士鸡中翼嫩滑，卤水猪肠干净冇异味，卤得都好入味，鲜虾云吞皮滑馅靓，只只都有虾，爽口！荔枝沙冰、芒果沙冰：口味清香，冰凉口感。凤梨玉露：同菠萝沙冰差唔多，只是多了一些新鲜香甜的菠萝。