九份飽 (淘大商場1期)

营业中

休息中

呢间台式小店开系淘大商场，每次经过都见到有人排队。今日终于见到少啲人排，即刻试试先。红烧牛腩刀削面 $59呢款汤底系有比较重牛肉味，反而无乜药材味，我都几中意。牛腩都几大旧，肉质好腍同埋好入味。刀削面就比较粗身，口感好滑，而且都好弹牙。跟餐加$10会有埋饮品，有需要可以拣埋甜度，我哋就拣咗蜂蜜绿茶。肉松起司蛋饼 $35蛋饼偏硬身，馅料好足。一啖咬落去会食到好香芝士味同满满嘅肉松。另外会有埋辣酱系一边，但我就觉得就咁食已经好够味。盐酥鸡 $38盐酥鸡炸到好香脆，上枱仲系热辣辣㗎，椒盐味都唔会好咸。