GO熊小館 (俊和商業中心) (已結業)

今日经过中上环， 突然想食台湾嘢， 见到呢间小店 只熊仔咁得意， 见仲有一张枱，就入咗去试下， 果然味道同分量都唔错。 红烧猪软骨麻辣拌面除咗猪软骨之外其实仲有台式肉燥， 呢个辣度较为温和， 反而突出咗佢啲干葱嘅味道， 猪软骨够淋， 分量好多， 唔错唔错 冻香芋珍珠奶茶台式饮品中，香芋珍珠奶茶都算系我头几位选择， 味道唔错唔太甜 ， 配辣嘢食， 正！ 细份盐酥鸡盐酥鸡最怕佢炸得太干身， 呢个都几juicy， 细份都唔少，两个人都够食 炸豆腐呢个真系要讲讲呀，我坐低见对面两枱客都叫呢个食，仲要encore， 原来呢度系可以叫啤酒饮㗎，1664同Stella都有，呢个炸豆腐表面系有木鱼碎，应该系连豆腐一齐炸，再配泰式辣酱，好惹味， 当佐酒小食，一流。