小胖台灣便當 (德立大廈)

营业中

休息中

呢间台式餐厅主打平靓正便当同汤面，主食有齐猪牛鸡选择，更可添加特色小食同饮品。尖沙嘴分店地方虽然唔大但座位够阔落，而且店员服务态度有礼，经过不妨一试。汤面系手打嘅，软硬度适中，带点咬口，上面有少量肉燥同菜、值得一赞系主食会分开放，唔怕整到淋晒，十分贴心。盐酥大鸡腿炸至酥脆可口，肉质嫩滑多汁、排骨薄身，容易咬开。小食方面呢度竟然有刈包，有猪同鸡，刈包挺身，咬落有质感，分别包住大大块肥烧腩肉同烧汁鸡趴，另外搭配酸菜、青瓜丝等配料，都几好味。饮品有珍奶同百香Q果绿茶，适合解腻。