四季良晨 (迎海薈) (已結業)

今日去乌溪沙揾朋友仔玩，玩完后食个好味午餐，朋友推介呢间台式餐厅。拣左全日套餐有主食、小食加饮品，都抵食㖞。点左酥炸猪扒红烧汤台湾面配卤水牛肚，另外叫左杯奶盖抹茶。炸猪扒相当脆，炸皮好薄，啖啖肉，不错。台湾面汤底几香浓，仲有少少辣味，不错。牛肚细细碟，味道都ok，几够入味。奶盖抹茶系跟餐加＄25，淡淡抹茶味，奶盖都系薄薄的，呢杯饮品就一般啦。朋友食盐酥鸡，试食左一旧，都好脆，仲好Juicy，下次可以再试。