一起食堂 (軒尼詩道)

营业中

休息中

同大肚嘅朋友出街突然话想食台式嘅嘢食，当然要满足吓。就喺附近见到间叫一起食堂嘅餐厅又有台式嘢又有啲日本风嘢食就入去食啦 😛 2个人叫咗花雕麻油鸡汤面、台式四宝饭 +$14有嘢饮叫咗杯热嘅仙草奶茶同爱玉凤梨绿茶。2个小食炸花枝丸，府城虾卷，芋圆仙草冻。迷你甜品跟餐一样+$14。埋单$29x 以湾仔区嚟讲晏就饭好抵～ 花雕麻油鸡汤面，个酒系可以自己钟意落几多就几多份量。闻落好浓香入秋凉凉地进补都好岩食鸡都几厚身🤤菇身亦好厚好大只、而面身又唔会太淋有口质。四宝饭主要系卤水嘢，有蛋、鸡翼、猪耳鲁肉都好入味连蛋整开一齐食好好送饭。佢哋嘅份量都大、顺带一提佢餐仲跟左前菜中华沙律、迷你甜薯同蕨饼👍 照顾哂前，主，甜，够饱饱～ 另外府城虾卷好正唔系出面好实的的嘅虾卷，食落唔太实唔太松散岩岩好而且有虾味又唔会过火😋😋好味 。花枝丸食到粒粒花枝架🤤有口感又好味。 另外嘢饮方面热嘅仙草奶茶茶底味系属偏浓茶底味类别。如果钟意淡身嘅建议饮冻嘅会好一啲。