台灣麵

营业中

休息中

明明见冇落雨先同仔仔出去，打算去行街买野煮粉食，点知一去到荃湾落车就落大雨，唔通连个天都唔想我煮，仔仔见我开始想发火，就立即哄我，妈咪咁辛苦唔好煮啦，简单食餐厅算啦，我同你系附近找一间啦，就系咁仔仔拖左我入台湾面，由于未够6点，我们竟然仲可以叫下午茶餐咁又几抵㖞。仔仔好乖知落雨我易晕易炆，就唔烦我，仲话今次佢负责叫，我负责食就得，超窝心。系仔仔发板下，叫左以下几款野食:下午茶餐 ～吉列猪扒饭咖哩汁配水蜜桃柑桔芦荟加珍珠。炸脾沙律＋酸辣汤拉面配荔枝乳酸三色Q果加珍珠。另外仲叫左份 炸腐皮虾卷。仔仔真唔客气一野叫咁多，好彩佢又同我一齐食得哂，又记得我钟意饮酸辣汤，食香口野，算你啦！呢到的炸物炸得好香口，个吉列猪扒点咖哩汁一流，开头我惊好辣因仔仔食，点知一食ok 㖞甜辣，小朋友都食到， 而我喜欢的酸辣汤就够浓郁，野饮配搭都好夹，下午茶餐真系好抵食。