日月堂

营业中

休息中

成日听人讲日月堂台湾菜，今日终于黎左试， 上到去见到咁多人，都知系好食又抵食！叫左主食，小食同饮品，每人都系$130左右，仲要系好够饱！嘢饮嘢食全部都系新鲜送上，热饮系热辣辣！份量大，好够食，面同埋小食都好有份量。红烧半筋半牛肉面，面质够滑而面条阔度适中易入口 ，又有嚼头。嘅阔度适中好烟靭，汤有牛肉鲜味偏甜有挂汁 ，牛肉半肥瘦适中，而且够冧入口，怕吃肥肉的都好啱食。麻辣云吞捞面，面底烟靭有干蒜同埋樱花虾，入口香口但略为较辣，如果唔能够食辣嘅人可以建议小辣，配有卤蛋同埋五粒云吞菜肉云吞，用料足，馅多汁！ 酥炸花枝丸，个炸皮同一般不同！ 唔会好油腻同厚！ 盐酥鸡香口，炸粉唔重唔厚，食多两旧都唔觉得Heavy！同埋好香口，有椒盐味！凤梨绿茶走冰劲大杯，凤梨味重唔算太甜，同绿茶好夹好好饮，加左珍珠，烟靭有咬口。值得一赞menu内，除了有红茶绿茶等一般台式饮品选择，还有一款系鲜奶加上黑糖珍珠供选择，好适合怕饮完茶睡不著的人，算是很贴心的服务。