老厝邊

营业中

休息中

佐敦人气台式餐厅，主打多款性价比高嘅台湾美食，经典饭面、夜市小食、特色饮品样样有齐，就连个名都充满台湾风味，依家港九新界都有分店，钟意食台湾菜嘅唔好错过～ 夏日之选有三丝麻酱凉面，混合青瓜、鸡蛋丝同火腿，面条软硬度适中，冰冰凉凉，混合邪恶麻酱，十分开胃，建议可以额外添加酱汁，虽然好肥但食落真系好过瘾🤣私心推介三杯鸡排葱油拌面，面条同凉面大同小异，相比起会更黏同咸，上面放上两大块鸡，肉质嫩滑可口，啖啖肉，外皮够香，份量十足，值得一试。饭类有香喷喷炸鸡排大碗公，包含粟米、芽菜、蛋同少量蔬菜。炸鸡切开为四大件，外层炸至酥脆，肉质同样嫩，味道调得唔错，唔会死咸但又有少少香气，唔够食嘅可以选择多饭。小食方面要咗个香酥炸排骨，大件夹抵食，炸法同鸡一样，只不过换咗款肉，调味亦系一样，感觉比较重复，下次会叫其他款色试试。