影片
更多
2024-02-27
26 浏览
好少会黎奥运呢头食野，不过最近有朋友介绍呢头有间大件夹抵食既西餐，所以就等放假带埋小朋友过黎食~ 我地选择平日晚上过黎，贪佢平日食客少d，可以坐耐少少XD餐厅采用绿色做主色，加上枱与枱间既位置都几松动，一d都唔会焗束感。 因为我地有三个人，所食物方面我地无叫二人餐而选择散叫，一共叫咗两个主菜，一个side dish同两杯野饮。不过真系有d后悔，因为d份量足，最后我地食到好饱XD 先讲下主菜先~ 我地叫两个主菜，分别系香煎鲈鱼配柠檬忌廉酱及薯蓉同美国肉眼扒8安士烧汁伴杂菜烧薯角，另外再加咗个配菜蒜蓉炒磨菇。 香煎鲈鱼配柠檬忌廉酱及薯蓉系叫俾呀女食既，结果上枱发现有两块大过手掌既鲈鱼，而且薯蓉都好多，真系几足料! 钟意淡口味既朋友一定会钟意呢个菜，因为佢无过多既过多既调味，可以食到鲈鱼既鲜味~加上鲈鱼片煎得好脆，连埋带少少酸既柠檬忌廉酱一d都唔漏~呀女都食得好滋味~ 肉眼扒都煎得相当唔错，唔会过生或过熟，加上本身块肉眼都唔差，所以口感好好。薯角并非一般炸薯角，而系呢度自制既，好味又唔油腻~ 蒜蓉炒磨菇就啱重口味既朋友仔啦，因为佢真系劲蒜! 本来以为系普通白磨菇，点知原来有不同种类既磨菇，正
我地选择平日晚上过黎，贪佢平日食客少d，可以坐耐少少XD餐厅采用绿色做主色，加上枱与枱间既位置都几松动，一d都唔会焗束感。
因为我地有三个人，所食物方面我地无叫二人餐而选择散叫，一共叫咗两个主菜，一个side dish同两杯野饮。不过真系有d后悔，因为d份量足，最后我地食到好饱XD
先讲下主菜先~ 我地叫两个主菜，分别系香煎鲈鱼配柠檬忌廉酱及薯蓉同美国肉眼扒8安士烧汁伴杂菜烧薯角，另外再加咗个配菜蒜蓉炒磨菇。
香煎鲈鱼配柠檬忌廉酱及薯蓉系叫俾呀女食既，结果上枱发现有两块大过手掌既鲈鱼，而且薯蓉都好多，真系几足料! 钟意淡口味既朋友一定会钟意呢个菜，因为佢无过多既过多既调味，可以食到鲈鱼既鲜味~加上鲈鱼片煎得好脆，连埋带少少酸既柠檬忌廉酱一d都唔漏~呀女都食得好滋味~
肉眼扒都煎得相当唔错，唔会过生或过熟，加上本身块肉眼都唔差，所以口感好好。薯角并非一般炸薯角，而系呢度自制既，好味又唔油腻~
蒜蓉炒磨菇就啱重口味既朋友仔啦，因为佢真系劲蒜! 本来以为系普通白磨菇，点知原来有不同种类既磨菇，正，唯一会希望佢少d油，咁就更加perfect啦~
我地叫咗两杯smoothie解渴，因为呢度系可以即场睇住佢整smoothie嫁!我地叫咗Coffee smoothie同Tropical smoothie，饮完一致认为Tropical smoothie略胜一筹，Tropical smoothie饮落有好新鲜既水果味，加上面头有块香蕉，感觉好fresh!反而Coffee smoothie有d唔惯，本来expect系好似饮咖啡咁，但系加上香蕉感觉唔太惯XD
最后我地食到劲饱走，连想食甜品都唔得!今次埋单大约$700但都好值得，因为坐得好舒服，而且份量一定够三个女仔食XD下次真系要改食二人餐，因为真系够食同平d，而且仲有甜品~
张贴
