阿久根和牛立燒店 (已結業)

铺头坐落于旺角闹市之中，位置方便聚脚。本身有啲担心闹市嘅地铺会比较喧闹，但系一入到去仿如置身另一个世界，完全系大隐隐于市嘅感觉，令人惊喜又可以尽情享受一餐休闲嘅时间。今次食左极尚和牛定食同阿久根和牛涮锅，分别用烧烤同火锅嘅方式食和牛，各自有一番风味。我个人就比较钟意烧烤，可以锁住肉汁，食落口嘅时候可以系口腔感受到鲜嫩嘅肉质又惹味。而且餐厅提供生菜免费添加，连埋烧左嘅和牛一齐食，既有浓厚嘅油香，又有生菜嘅鲜甜，两者相得益彰。餐厅好贴心咁为每款肉都用一块小木牌标示岀呢款系咩肉，令客人知道自己嘅心头好，无论系加单定下次再光临都可以特意拣返自己钟意嘅肉种。成个用餐过程无论食物质素定服务态度都非常令人满意，绝对值得一试!!