咖啡亭 (已結業)

补祝男友生日，Openrice有六百几二人优惠，几抵。大家要准时到，因为劲粗蟹脚只出二三转。首先一开波都系拎左劲粗蟹脚先，真系好正好鲜味，其他冻海鲜试左少少，不吃也摆。转战生蚝，有专人即开，个人平时不太好蚝，但系南非个只真系齿夹留香，一d都腥，有一两只超咸，不过我都食左有记录最多ge11只蚝!之后食鱼生，有三文鱼、油甘鱼、鲷鱼同八爪鱼，个人只好三文鱼，几鲜，男友话油甘鱼好肥美! 但最大败笔系个师傅，切到散晒影响口感，拎左三次，三次都系咁~再黎烟熏食品，d烟三文鱼唔知点解好红咁色，不过味道系正常ge;而巴马火腿加蜜瓜都几好。仲有都几特色ge即溶芝士，但好快干，个人不太好。热食就好睇唔好食，冇一样野系可以encore的，饮左中汤，好油。到甜品有好几款，不算多，件件细细件可以试晒，不过都冇一款想encore，唔难食但普通，而软雪糕一如大家所讲，系淋到近乎溶ge。除餐茶一杯仲有任饮气水。整体黎讲以咁ge价钱质素算中上，主要食生蚝同蟹脚回本，人少少唔洗排大队，可覆桌。