影片
更多
2022-10-10
601 浏览
🟠2人套餐（$205）印度串烧五香鸡件上枱既时候，我仲以为我地几时叫左碟斋，因为个样橙橙地色，好似斋😂食落先知原来就系鸡件，不过初初谂住串烧应该会一串串咁上，但佢就一兜咁上。相信系2人餐既关系，所以有4旧鸡件。鸡件食落普普通通，无话有平时食串烧个种感觉，但味道正常。咖哩鸡&咖哩羊（需加$14）套餐可以拣鸡、牛脷、菜、蛋、牛、鱼同羊，我地拣左鸡同羊。咖哩鸡既咖喱感觉比咖喱羊深色少少，但2兜咖喱食落既味道都差唔多，咖喱只有好少辣味，质感杰身。咖喱鸡件好大旧，所以夹埋只有3件，鸡件口感未算特别滑。🥸咖哩羊食落有少少骚味，羊肉口感比鸡肉淋，有6旧。2款咖喱都有1-2旧薯仔做配料。🤠另外，2款咖喱分别配有一碟饭同一烤饼，上枱既时候，饭既份量目测应该都有一碗半，而烤饼就有4小件。饭同烤饼捞埋咖喱汁食，真系非常绝配🤤蒜蓉炒椰菜有西兰花同椰菜，菜炒得几淋，食落唔知系米加左香料既关系，味道同一般既蒜蓉炒蔬菜唔同，好似多左一种甜味咁（错觉？）😂拉茶（需加$12）黎到就紧系试下佢个拉茶，叫完之后，会有服务生放个杯系枱面。等左一阵，就会有专人系你近距离表演拉茶过程，最后就有一杯拉茶享用🤩拉茶味道几浓奶味，口感
印度串烧五香鸡件
上枱既时候，我仲以为我地几时叫左碟斋，因为个样橙橙地色，好似斋😂食落先知原来就系鸡件，不过初初谂住串烧应该会一串串咁上，但佢就一兜咁上。相信系2人餐既关系，所以有4旧鸡件。鸡件食落普普通通，无话有平时食串烧个种感觉，但味道正常。
咖哩鸡&咖哩羊（需加$14）
套餐可以拣鸡、牛脷、菜、蛋、牛、鱼同羊，我地拣左鸡同羊。
咖哩鸡既咖喱感觉比咖喱羊深色少少，但2兜咖喱食落既味道都差唔多，咖喱只有好少辣味，质感杰身。
咖喱鸡件好大旧，所以夹埋只有3件，鸡件口感未算特别滑。🥸
咖哩羊食落有少少骚味，羊肉口感比鸡肉淋，有6旧。2款咖喱都有1-2旧薯仔做配料。🤠
另外，2款咖喱分别配有一碟饭同一烤饼，上枱既时候，饭既份量目测应该都有一碗半，而烤饼就有4小件。饭同烤饼捞埋咖喱汁食，真系非常绝配🤤
蒜蓉炒椰菜
有西兰花同椰菜，菜炒得几淋，食落唔知系米加左香料既关系，味道同一般既蒜蓉炒蔬菜唔同，好似多左一种甜味咁（错觉？）😂
拉茶（需加$12）
黎到就紧系试下佢个拉茶，叫完之后，会有服务生放个杯系枱面。等左一阵，就会有专人系你近距离表演拉茶过程，最后就有一杯拉茶享用🤩拉茶味道几浓奶味，口感几滑，饮落仲有少少薄荷味（唔知系米沟左薄荷叶？），但都值得一试🤓
🔵印式香烧马友鱼（$88）
一上枱已经闻到劲香既味道，鱼肉好滑身，连鱼皮都唔嚡口。味道就好多层次，我估系用左唔同香料，整体食落好好味，食完成条有种想再食既感觉🙈
3个人食叫2人餐再外加一个𩠌都够哂饱，因为有好多既淀粉质😂😂
张贴