影片
更多
2021-09-28
4054 浏览
好难book位啊！八月底book九月位，全部都系得翻5:30-7:00pm嘅位，全部7:00同8:30时段爆晒，可想而知几多人食。果然！真系冇令人失望，价钱抵食，野食份量合理，基本上每一样野都好食。环境干净企理，侍应有讲有笑，用香港嘅标准，态度可以算得上非常好，绝对会返兜！*西柠煎软鸡 $88鸡肉外皮炸到脆卜卜，入面嘅鸡腿肉嫩滑，皮下脂肪唔多，唔会过分油腻。柠檬汁酸酸甜甜，炸衣因为柠檬汁半脆半腍，薄薄一层汁包住炸鸡肉，西柠鸡作为第一道菜非常开胃。香煎黑松露手打莲藕墨鱼饼 $96墨鱼饼有七块，厚肉弹牙，仲有啲爽脆嘅莲藕粒，黑松露香味唔算浓烈。外表煎到金黄，香口但唔系脆卜卜嘅质感。老干妈青椒炒牛肉 $80辣！老干妈就系辣，辣得嚟又唔会成碟辣油。牛肉块少少韧有咬口，唔系腌到腍啤啤嘅肉，成块肉都带老干妈辣味。成碟最辣系青椒红椒，由舌头辣到喉咙。豆腐杞子鲜腐竹浸时蔬 $78腐竹唔系行滑嫩路线，反而好香黄豆味，娃娃菜煮到软腍，而且菜本身已经清甜，又吸晒豆乳汤味，碟汤直情可以就咁饮。飞天通菜煲 $78出晒烟嘅通菜煲，有少少辣椒粒，蒜香味非常重，完全冇通菜菜腥味，通菜亦唔会太韧，非常惹味又有镬气。麻辣
*
西柠煎软鸡 $88
鸡肉外皮炸到脆卜卜，入面嘅鸡腿肉嫩滑，皮下脂肪唔多，唔会过分油腻。柠檬汁酸酸甜甜，炸衣因为柠檬汁半脆半腍，薄薄一层汁包住炸鸡肉，西柠鸡作为第一道菜非常开胃。
西柠煎软鸡
$88
81 浏览
0 赞好
0 留言
香煎黑松露手打莲藕墨鱼饼 $96
墨鱼饼有七块，厚肉弹牙，仲有啲爽脆嘅莲藕粒，黑松露香味唔算浓烈。外表煎到金黄，香口但唔系脆卜卜嘅质感。
香煎黑松露手打莲藕墨鱼饼
$96
81 浏览
0 赞好
0 留言
老干妈青椒炒牛肉 $80
辣！老干妈就系辣，辣得嚟又唔会成碟辣油。牛肉块少少韧有咬口，唔系腌到腍啤啤嘅肉，成块肉都带老干妈辣味。成碟最辣系青椒红椒，由舌头辣到喉咙。
老干妈青椒炒牛肉
$80
78 浏览
0 赞好
0 留言
豆腐杞子鲜腐竹浸时蔬 $78
腐竹唔系行滑嫩路线，反而好香黄豆味，娃娃菜煮到软腍，而且菜本身已经清甜，又吸晒豆乳汤味，碟汤直情可以就咁饮。
豆腐杞子鲜腐竹浸时蔬
$78
86 浏览
0 赞好
0 留言
飞天通菜煲 $78
出晒烟嘅通菜煲，有少少辣椒粒，蒜香味非常重，完全冇通菜菜腥味，通菜亦唔会太韧，非常惹味又有镬气。
飞天通菜煲
$78
54 浏览
0 赞好
0 留言
麻辣韭菜鸭血煲 $86
上枱个煲仲系咕噜咕噜滚紧，鸭血系薄片带厚度，一啖食落去系麻，咬耐左慢慢辣上嚟，重口味嘅香料完全盖过腥味。韭菜索晒麻辣汁，但实在太韧。
麻辣韭菜鸭血煲
$86
51 浏览
0 赞好
0 留言
镬气豉椒炒蚬 $92
炒蚬份量完全对得住价钱，新鲜饱满又大粒，基本上冇乜蚬系冇开，用豉椒炒一定惹味，唔会太辣，洋葱红椒青椒除咗有豉椒味，仲带啲蚬嘅鲜甜味。
镬气豉椒炒蚬
$92
56 浏览
0 赞好
0 留言
菠萝拔丝咕噜肉 (梅头) $99
用梅头嘅咕噜肉冇可能唔好食，外面炸到脆，入面嘅梅头软腍又不失咬口，酱汁薄薄地包住每一块肉，酸甜带啲果香，青椒菠萝蜜桃嘅份量都唔会孤寒。
菠萝拔丝咕噜肉
$99
54 浏览
0 赞好
0 留言
避风塘鲜鱿 $95
成碟都系避风塘炸蒜同埋鲜鱿，非常惹味，有细粒辣椒但唔会过辣，捞饭一流。鱿鱼熟度啱啱好，可惜切到唔够厚，差咗咬啖啖厚肉嘅快感。
避风塘鲜鱿
$95
38 浏览
0 赞好
0 留言
附送蕃薯糖水
热糖水系蕃薯糖水，冻糖水系清保凉。
蕃薯糖水有三至四块蕃薯，入面煮到软腍，但外层有少少硬纤维，削得唔够深，糖水偏甜，姜味亦唔重，似小朋友口味。
蕃薯糖水
24 浏览
0 赞好
0 留言
张贴
