燒肉屋 (清風街)

今日同朋友去天后食午餐，行经清风街嘅烧肉屋，被门前一块写住「午市-商务二人前」嘅大牌吸引住，上面写住原价530元嘅午市二人套餐， 而家特价399元，我哋即刻入去试下。 餐厅和风设计，座位阔落舒服，方便同朋友倾偈。午市-商务二人套餐包1个沙律前菜、烤肉、2份88元午市定食、2杯饮品和2个甜品，好抵！ 前菜有泡菜、爽口莲藕片和海带，清新开胃。前菜和面豉汤可无限添，面豉汤香而不咸，好饮。 八爪鱼柚子酱醋大大碗沙律前菜，色彩缤纷，八爪鱼好鲜美，加上新鲜嘅沙律菜、小蕃茄和脆粒，配上芝士粉和柚子酱醋，份外清爽，非常好食。 烧菠萝炒牛肉丼牛肉铺满成个碗面，仲有几旧烧菠萝，烧菠萝咬落好甜好多汁，同牛肉的肉味好配合，配上饭真是好香好夹。 火焰四色刺身丼有好多刺身铺在碗上，有四种刺身好吸引，刺身好新鲜好食。 超长日式牛仔骨足料大份，用日式腌制，牛肉骨吊在架上，卖相好靓。我哋将一条牛仔骨剪开，肉眼可以见到雪花，肉质细腻，有油花的肉更嫩，新鲜美味。 套餐仲包埋2个饮品和甜品，我地叫左2罐可乐和2杯芒果雪糕，雪糕也好吃。