晴舍 (已結業)

都隔咗好几个月没有过九龙区食饭，昨晚姪女请食日本野，最后拣咗去佐敦晴舍。见餐厅推出咗晚市一人前超抵食，百几蚊有齐汤、小食、串烧、main course 及饮品，上年嚟过都未有，而且可以选择的食品都好多好丰富。我哋叫咗两个晚餐，再叫咗一啲串烧、刺身、寿司及一啲其它日式等食品。首先要赞下嘅系白鳝真系好肥好juicy,上年食过，今年再食都系一样咁好食。而牛舌都好正又爽又腍。剌身算系好生鲜，整体而言真系觉得唔错兼超超超值。最后3个人埋单都系6百蚊，同样嘅食物如果喺铜锣湾或者尖沙咀食，肯定超过$1000。另外，最正系唔限我哋时间，地方又宽敞，又近地鉄站，啱晒聚会吹水，由6点几倾到近10点。