茶木‧台式休閒餐廳 (又一城)

营业中

休息中

今晚要去九龙塘返学，放工后去到又一城只有半个钟食个快饭。我今次就去咗茶木。又一城间茶木好特别，系快餐店形式，先付款，自己揾位，再等食物。呢间茶木嘅下午茶餐去到6:30 ，我哋两个人都分别叫咗下午茶餐，加埋真系好丰富。每人$62就可以有齐前菜、主菜、饭面同埋饮品，share一齐食，真系超值。以下系我哋叫咗嘅嘢食：前菜：手拍青瓜，卤水豆腐主菜：黑醋猪软骨，蒜香酥炸单骨鸡翼饭面： 肉燥新竹米粉二碗饮品：冻顶乌龙茶，高山翠绿茶系咪好丰富呢？不过提提大家，虽然呢间茶木系快餐店形式，但系出菜都较为慢，我去过两次，付款后都大约要等大约10分钟先出菜，所以真系超赶时间嘅朋友记住预多丁点时间。