臺味冰點餐廳

营业中

休息中

下午茶时间，人比较少，都有唔少位。喺下午茶嘅餐牌叫咗个芝士焗鸡皇意粉。意粉嘅份量适中，卖相唔错。表面见到都有唔少嘅鸡件，亦有啲微焦嘅芝士。因为系即叫即焗，所以都等咗一段时间。鸡嘅味道唔差，而且鸡唔会焗到好干，食落口仲有嫩滑嘅口感，鸡应该都有腌过，食落去唔会乜味都冇。因为白汁嘅量都唔少，下面意粉底唔会好干变咗做一pat嘢，反而可以好轻松咁卷起咁放入口。随餐有埋个水蜜桃红茶，好大杯，又唔会好甜。成个餐几抵食！