影片
更多
2024-12-06
0 浏览
今日同朋友喺旺角行街，见到广告推介，和牛火锅任食放题晚市套餐买一送一，好抵食，所以就Walk in入去。餐厅可以任食两小时，座位宽敞而且舒适，可以慢慢倾偈、慢慢食。因为买一送一咁抵，所以我哋拣咗最贵嘅套餐「D4晚市套餐」，首先来一个「麻辣鸡煲」，食完之后，自选汤底，伙计会帮我哋会换上另一个煲，就可以开始食火锅。D4套餐系最好嘅套餐，食材可以选择「日本A4黑毛和牛」、「澳洲M5和牛」、牛肩胛、鲍鱼、蛏子、蚬、青口、螺…… 等等。和牛非常香滑，充满牛嘅鲜味。食材全部都好新鲜。另外，套餐可以拣已经煮熟咗嘅冷盘「龙虾」，龙虾好多膏，非常新鲜。仲有「大闸蟹」，呢个系时令海鲜，一人一只，好多蟹膏，流晒黄油，非常鲜甜香口。呢间系日本餐厅，当然提供「刺身」，个套餐可以拣10几款刺身，任点任食，无限供应。其中包括：三文鱼、珍宝带子、赤虾、八爪鱼刺身等等。除此之外，仲有熟食：烧鸡翼、串烧多春鱼、串烧大虾等等，即叫即做，新鲜热辣，无限供应。喺呢一餐圆满结束之前，一定要食甜品，我拣咗一款特色雪条同埋凉粉，上面有熊猫头像，非常可爱。总结，整个晚餐食到好饱好饱，好满足，两个人总共食咗$1000左右，好抵食。
和牛火锅任食放题晚市套餐买一送一，好抵食，所以就Walk in入去。餐厅可以任食两小时，座位宽敞而且舒适，可以慢慢倾偈、慢慢食。
因为买一送一咁抵，所以我哋拣咗最贵嘅套餐「D4晚市套餐」，首先来一个「麻辣鸡煲」，食完之后，自选汤底，伙计会帮我哋会换上另一个煲，就可以开始食火锅。
D4套餐系最好嘅套餐，食材可以选择「日本A4黑毛和牛」、「澳洲M5和牛」、牛肩胛、鲍鱼、蛏子、蚬、青口、螺…… 等等。和牛非常香滑，充满牛嘅鲜味。食材全部都好新鲜。
另外，套餐可以拣已经煮熟咗嘅冷盘「龙虾」，龙虾好多膏，非常新鲜。仲有「大闸蟹」，呢个系时令海鲜，一人一只，好多蟹膏，流晒黄油，非常鲜甜香口。
呢间系日本餐厅，当然提供「刺身」，个套餐可以拣10几款刺身，任点任食，无限供应。其中包括：三文鱼、珍宝带子、赤虾、八爪鱼刺身等等。
除此之外，仲有熟食：烧鸡翼、串烧多春鱼、串烧大虾等等，即叫即做，新鲜热辣，无限供应。
喺呢一餐圆满结束之前，一定要食甜品，我拣咗一款特色雪条同埋凉粉，上面有熊猫头像，非常可爱。
总结，整个晚餐食到好饱好饱，好满足，两个人总共食咗$1000左右，好抵食。
张贴
