影片
更多
2016-11-23
258 浏览
猪八戒面 $48+3 （秘制麻辣汤底）话说上星期二又番黎荃湾拎报告顺便约埋朋友食埋饭先走！入荃湾食野嘅次数5只手指数得晒，某知名cafe，车仔面，好多人帮衬嘅米线，但都系麻麻，所以今次决定去啲无咩人注意嘅食肆！Entrance 正值晚餐时间，唔驶等位，但座位都唔算多，好彩都算早，顺利有台坐！菜单上有个推介优惠：猪八戒面$45（原价$52）同牛魔王面$48（原价$58），仲可以加啲钱要多啲配料，对就黎步入无业世界嘅苹果干黎讲，依啲优惠真系合晒我意，唔食牛嘅我黎讲当然就选猪八戒面🙋🏻猪八戒面当然唔少得猪肉啦，一碗面$45又有猪肉，粟米，木耳，少量菜同红萝卜，加埋加埋大大碗，唔系唔收货呀！啲猪肉非常弹牙，唔系猪肉碎都唔系猪柳，原来系猪肉筋黎嫁～食落又一啲都唔「鞋」，口感非常弹仲有好多旧💕💕食呀食，我一厢情愿咁谂普通面咪即系油面～（我麻麻地油面）但原来店铺采用咗上海面为佢地嘅秘制面，食落更有口感之余汤味更容易吸收；一间唔系专做麻辣嘅小店都可以选择辣度，无意外地我点咗大辣，无失望呀，虽然同出名啲专便麻辣米线嘅无得比，但依间店嘅麻辣已经算唔错，少少麻之余都可试到辣味👍🏻钟意食辣嘅朋友就可能唔会满意
话说上星期二又番黎荃湾拎报告顺便约埋朋友食埋饭先走！入荃湾食野嘅次数5只手指数得晒，某知名cafe，车仔面，好多人帮衬嘅米线，但都系麻麻，所以今次决定去啲无咩人注意嘅食肆！
Entrance 正值晚餐时间，唔驶等位，但座位都唔算多，好彩都算早，顺利有台坐！
菜单上有个推介优惠：猪八戒面$45（原价$52）同牛魔王面$48（原价$58），仲可以加啲钱要多啲配料，对就黎步入无业世界嘅苹果干黎讲，依啲优惠真系合晒我意，唔食牛嘅我黎讲当然就选猪八戒面🙋🏻
猪八戒面当然唔少得猪肉啦，一碗面$45又有猪肉，粟米，木耳，少量菜同红萝卜，加埋加埋大大碗，唔系唔收货呀！啲猪肉非常弹牙，唔系猪肉碎都唔系猪柳，原来系猪肉筋黎嫁～食落又一啲都唔「鞋」，口感非常弹仲有好多旧💕💕食呀食，我一厢情愿咁谂普通面咪即系油面～（我麻麻地油面）但原来店铺采用咗上海面为佢地嘅秘制面，食落更有口感之余汤味更容易吸收；一间唔系专做麻辣嘅小店都可以选择辣度，无意外地我点咗大辣，无失望呀，虽然同出名啲专便麻辣米线嘅无得比，但依间店嘅麻辣已经算唔错，少少麻之余都可试到辣味👍🏻钟意食辣嘅朋友就可能唔会满意，但我觉得比起尖沙咀新开嘅麻辣米线店，Entrance 已经好食多多了（我指个汤底）。
有人就弹有几唔好食，搞到我同朋友都有啲怯，但其实食落唔差之余都唔错呀！虽然唔系好味到哗哗声，但$45大大碗又唔错嘅面，真心又真系唔好太计较！
P.S: 其实仲有时令推介：蟹粉捞面，每日供应数量有限，啲蟹粉真系大大旧，可惜，我要做姐妹不能太放肆😢；影下影下先发觉个碗系不规则形状，唔系圆形，唔怪得一边影一边觉得边到怪怪地咁。
阿姨饺子 $32，6只
#入面 除咗猪八戒面同牛魔王面系必点之外，其实阿姨饺子都系大多数食客必点嘅小食！我一听个名：阿姨饺子？系咪阿姨包嫁？讲下笑姐，原来真系系嫁（滴汗中😅）真系阿姨亲自包，新鲜制造😂起码唔系批发货！
饺子有3种口味：冬菇，韮菜同椰菜，一碟饺子6只，每种口味各2只，唔驶争！
冬菇味：好浓嘅菇味，一咬落去真系会见到好大粒～冬菇🍄，同猪肉比例都可以算系5:5，一啖猪肉一啖菇：韮菜同椰菜相比下就比较失色，但胜在饺皮唔算厚，食落好juicy！
（食晒4只饺子都食唔到任何雪藏味，抵比个👍🏻！）。 。 .
鲜杂果蜂蜜绿茶 $34
$34咁大杯，唔驶估，有眼你睇有好多馅：苹果，青苹果，奇异果，哈蜜瓜，火龙果。真系好多水果，好新鲜😂😂
饮饮下可能你会觉得唔够味，但你间唔中会饮到啲一粒粒透明嘅珠珠，原来个啲系叫爆珠，或者可以叫蜂蜜分子，咬爆佢时入面啲蜂蜜就会流出黎，甜甜地，咁你就唔会觉得杯野无咩味！ 。
张贴
