明記海鮮潮州菜館 (天保大廈)

营业中

休息中

我系想食打冷嘅时候， 朋友就话上次食过荃湾有间又平又抵食，可以去试下咁啱𠮶日去开荃湾，就同朋友去试下啦。估唔到竟然有前菜，仲要有泡菜都几开胃本身都谂住嗌卤水拼盘，原来呢度叫够300蚊就会送一个，真系好抵！油盐水大蚬率先上场，大蚬只只都好饱满鲜甜，而且冇沙，底下仲有少少粉丝索晒汤 ，完全系精华所在。打冷点少得椒盐鲜鱿，估唔到份量好多，放入口热辣辣，外脆内软，鲜鱿非常新鲜冇得弹。椒盐茶树菇真系不得了，一样都系大大碟冇偷鸡，炸得酥脆，菇味浓郁。最后点少得炸蚝饼，好多只蚝，而且size都唔细，蛋浆好香，perfect match。