旺旺烤活魚 (已結業)

天气一冻就想食热辣辣嘅嘢，今晚食依个烤鱼新年优惠套餐真系啱晒。$488，话就话两人份量，但多到食唔晒😃。依个套餐除咗烤鱼，仲有凉伴青瓜木耳、手切安格斯肥牛、精选海鲜拼盘、田园鲜蔬拼盘。烤钳鱼要咗青花椒麻辣，小辣，已经好惹味。鱼唔算多骨，鱼肉滑鱼皮香口，食得好滋味。入面仲有配菜，吸哂啲味劲正。海鲜拼盘有鲜虾、广岛生蚝、珊瑚蚌、日本带子，深海龙趸件，全部都好新鲜。珊瑚蚌爽口、龙趸啖啖肉、带子肥厚。田园鲜蔬有菜仲有萝卜、粟米、薯仔。好吸味，又饱肚。凉伴青瓜木耳，等烤鱼嘅时候已经好快食清光。座位阔，坐得舒服。早啲来少啲人仲正。