旺旺烤活魚 (已結業)

天氣一凍就想食熱辣辣嘅嘢，今晚食依個烤魚新年優惠套餐真係啱晒。$488，話就話兩人份量，但多到食唔晒😃。依個套餐除咗烤魚，仲有涼伴青瓜木耳、手切安格斯肥牛、精選海鮮拼盤、田園鮮蔬拼盤。烤鉗魚要咗青花椒麻辣，小辣，已經好惹味。魚唔算多骨，魚肉滑魚皮香口，食得好滋味。入面仲有配菜，吸哂啲味勁正。海鮮拼盤有鮮蝦、廣島生蠔、珊瑚蚌、日本帶子，深海龍躉件，全部都好新鮮。珊瑚蚌爽口、龍躉啖啖肉、帶子肥厚。田園鮮蔬有菜仲有蘿蔔、粟米、薯仔。好吸味，又飽肚。涼伴青瓜木耳，等烤魚嘅時候已經好快食清光。座位闊，坐得舒服。早啲來少啲人仲正。

陪個熱愛食烤魚既朋友 不斷尋覓全🇭🇰 最好食既烤魚今次被選中既餐廳 就係位於油麻地 新光商業大廈2樓 🐟旺旺烤活魚🐟原來新光商業大廈 有兩個入口🤪係彌敦道個邊個入口 先可以上到餐廳六點左右上到去 唔洗等位 即入😎⏩️藤椒脆魚皮💰52呢個真係必食👍🏻👍🏻👍🏻👍🏻👍🏻有脆魚皮已經難得 仲要咁好食 少之有少🥺份量多 超爽口彈牙 夠入味隔離枱個叔叔都話：呢到啲脆魚皮係全香港最好味😋😋佢一枱6個人 好似叫左三碟🫣真係好好食 呢碟野要番兜再番兜🤭⏩️錫紙烤鴨血🦆🩸💰48又一個出色既小菜鴨血底仲有啲薯粉 吸哂鴨血既精華😋😋諗起都想食多兜⏩️招牌烤鉗魚🐟 招牌酸菜底💰288魚比想像中大 肉厚 入味酸菜偏甜 帶微酸酸菜加魚煮出個湯底 又香又甜 一路食一路飲湯😂睇相都見到啲芫茜🌿有幾澎湃等於平時一份既份量 但呢到係免費🆓⏩️紅薯粉 💰26⏩️炸支竹💰28配料既份量 全部都大大份兩個人又再一次眼闊肚窄🤪🤪‼️‼️餐廳仲要做緊 細藍妹$9.8/樽‼️‼️一啖魚🐟 一啖啤酒 🍻 正正子😌😌下次要多啲人一齊食 咁先可以KO到條🐟 又可以食多幾款配料再加兩碟⏩️藤椒脆魚皮⏪️完美😌

烤魚😍 超鐘意食烤魚，呢間仲要有煎過😍 條魚係鉗魚黎，肉質彈牙唔多骨，魚係 HKD 288 .鐘意佢呢個湯底：港式蕃茄湯底😂 我諗應該即係蕃茄薯仔，同埋有好多芫荽♥️ 佢仲可以叫BB辣，食到後尾個辣味好出🙈 而且蕃茄味好鮮，唔會死鹹.同埋都提議叫個田園拼盤 (HKD 68) 👍🏻 夠健康，幾新鮮，好鍾意食佢啲蓮藕、白蘿蔔，好爽，配埋蕃茄湯好鮮。.真心正，再叫多個鮮冬菇同響鈴，響鈴吸晒啲汁，冇得彈.同埋有支裝無糖可樂😆 特別有feel

今日同男朋友行完旺角 心血來潮好想食烤魚見到油麻地呢間旺旺活烤魚決定試試佢 暖下胃餐廳位於2樓 霓虹燈牌非常吸晴 加埋時尚裝修 環境闊落 坐得好舒服 我哋叫咗一個二人套餐（$488）有一個冷盤，原條烤魚，安格斯牛，海鮮拼盤，蔬菜拼盤啱晒我呢啲有選擇困難症嘅人湯底方面我哋揀咗祕製香辣（bb辣）烤鉗魚非常大條 厚肉少骨唔識食魚嘅朋友都唔使驚烤魚本身已經有非常多配菜 我特別欣賞豆卜同芽菜 吸哂湯汁的香味湯底非常濃味 如果食開重口味就一定好鍾意啦安格斯牛肉都絕不欺場不會太薄 而好有肉味！至於海鮮拼盤 都好滿意 估唔到帶子配香辣湯底係咁夾！同場加映有$9.8一支藍妹啤酒一啖辣湯一啖啤酒 正呀最後食埋個紅糖糍粑 今日真係大滿足捧住個肚走

📍 旺旺烤活魚 （油麻地店）行行下油麻地見到呢間烤魚店 朋友話好想試下 ～我地叫左個2人烤魚套餐$368.簡左酸菜味 bb辣好好食😋我地清曬啲酸菜咁濟😂條魚好大條又唔多骨又滑～烤魚本身配左豆卜 索埋啲湯汁黎食 正～仲有啲金菇肥牛牛味都好重 唔會好肥 油花幾靚 好食～蔬菜拼盤有 白蘿蔔 薯仔片 粟米 蓮藕 生菜都好新鮮～最中意食薯仔片😋煮到淋曬好好食 又入味呢到既紅薯粉好qq好好食！我自己一個人食左大半🫣真係好推薦酸菜味 我同朋友都覺得好好食🤭但下次黎食會叫小辣 感覺辣啲過癮啲

旺旺烤活魚香港九龍彌敦道469-471號(油麻地地鐵站C出口）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯烤魚好食 夠香夠滑 有燒烤串燒食 又可以打邊爐呢個組合幾好 岩哂香港人 一班人去食唔洗驚就到一個就唔到另一個烤魚一上台 有8成熟 經過’『香脆’』處理 特別『炮制』魚骨都好食。認真飲啖湯 試一試 鍋湯底有誠意>烤沙巴龍躉 $388名不虛傳 沙巴之龍沙巴龍躉夠大條 多肉 肉實彈牙 皮香肉滑加上麻椒 花椒、藤椒藤椒 清香，麻味柔和清新 風味更清香濃郁講究麻、辣、香，白味咸鮮中仍帶有辣味>烤韭菜（份）$15>烤多春魚（3條）$38

聖誕梗係要同屋企人食好西。因為媽咪鍾意食烤魚，今日就特登同媽咪去油麻地試搬左既旺旺活烤魚。我地簡左個歡聚二人烤魚套餐$368招牌酸菜烤鉗魚鍋（走辣）魚肉嫩滑又入味，骨大大條，唔怕哽親。最重要係夜晚冇勁口渴。二人肥牛超有驚喜，睇相都見到冇將貨就價，靚牛一碟有肉味得黎有咬口又唔會咬唔郁肥瘦適中紅薯粉烤魚必備，索晒d汁，正田園拼盤有粟米，蘿蔔，蓮藕，薯仔同菜，新鮮特別粟米好鮮甜另外叫左鮮蝦雲吞$36蝦爽口好味，估唔到有8粒咁多2枝飲品$13 價錢合理總結：餐廳乾淨，裝飾唔錯，味道好，服務態度好，有下次

天氣好凍好凍，成日唔係打邊爐就食雞煲，今晚老公提議食烤魚。。都好喎！好耐無食過，加上我勁中意食魚，咁岩搵到呢間烤魚係油麻地就試下啦。。。我地5點半就去食，當時我地係第一枱客人，但係之後越嚟越多人，仲爆場添。所以記得要訂枱，或者早啲嚟食。。呢個套餐超抵食！已經包括一份烤魚，肥牛，蔬菜籃，仲有薯粉。。大概等30分鐘就開餐啦！哇，一上枱勁香孜然粉味，我地點左招牌酸菜，唔會太辣，條魚應該係先烤熟再放湯上去。條魚唔算多骨，仲好大條！！烤魚仲有好多配料，有豆卜，蘿蔔，芽菜，勁多酸菜。。套餐肥牛絕對唔係差，睇下肥瘦均勻，唔係薄薄一片咖，啲肥牛咬入口好有牛味，好食！蔬菜拼盤我一早就放哂落去，滾至最後淋哂好好味薯粉都係食到最後，放落去煮一陣就食得。勁qq，吸哂湯汁，完美！另外我地點左2份小食。。紅糖糍粑，呢排係大熱。軟糯q彈嘅糯米糍炸到脆脆加上紅糖，勁好食！鬼馬雙拼呢個係油炸鬼加上蝦膠同墨魚膠去炸。又係勁脆勁好食😂😂我真係好中意食炸野😍呢度啲卡位好闊落，座得又舒服。啲侍應姐姐都好好傾，見佢地好似有好多熟客仔，有講有笑。餐廳應該仲有得睇波，所以都真係好旺。

而家潮流興食酸菜魚，烤魚。開到成行成市，要揾間好食既唔易。有屋企人試過油麻地，㕵旺烤活魚，星期日同朋友去試下。首先要讚下呢度坐位好闊落，唔會有好迫既感覺，坐係度傾計都好舒服。我地諗左一陣，決定食好啲，就叫左招牌酸菜烤沙巴龍躉。等左一陣，好快就上菜，龍躉相當大條，魚索哂d酸菜汁，勁鮮味，肉地結實，好有質感。只係食魚當然唔夠，叫左蒜蓉烤大元貝，好大隻蒜香撲鼻。最後加上必食燒烤組合，就剛剛好夠飽了。當然食左咁多香口野，梗要飲下啤酒下火。飲飽食醉都是700幾埋單，價錢比較合理。

呢排都真係有啲凍🥶同朋友頂唔順係時候要黎食返個烤魚🐟今日黎到旺旺烤活魚！個招牌都好得意😂我哋一黎見到個二人餐都係$368就事不宜遲嗌左個先，再加左串羊肋肉同藤椒脆魚皮🤤嗌左冇耐藤椒脆魚皮就上檯啦！口味上好似之前紅過既泡椒鳳爪咁，但就冇骨魚皮又爽脆，好過癮！同朋友勁快清左一碟🤭嗌左兩支藍妹🍻呢度啲藍妹9.8一枝係幾抵下，想暢飲既黎呢度都幾岩👍🏼之後就黎左羊肋肉串！每一舊都有啲羊油喺上面，一咬落去全口都係羊油香🤤係略嫌細舊，如果大舊啲有啖啖肉感仲正！呢個菜盤有油麥菜，薯仔，蓮藕，粟米同蘿蔔🥬薯仔同蘿蔔簡直係吸味之選！索晒個湯既鮮味之後一啖咬落去🤭正！今次嗌左鮮青花椒麻辣味🌶️叫左中辣🌶️魚肉好嫩口份量亦都幾多👍🏼入面啲娃娃菜豆卜蘿蔔全部吸晒啲味，好食！二人肥牛既油花都幾靚下，淥幾下一食入口嗰朕牛油香好好食🥹牛味亦都重👍🏼同埋油花分布都算勻唔會話成口油咁🤤其實間舖入面啲位啊檯啊都算幾大張，幾岩同朋友黎呢度烚下烚下啤兩啤吹下水咁👍🏼👍🏼🍻

以前屋企人個輩好興食油麻地花園酒家，不過原來最近入面仲新開咗旺旺烤活魚，開業近半年，裝修用咗奪目嘅霓虹燈同吉他、唱片等作裝飾設有4人雅座適合聚會暢談，感覺上無乜時間限制，唔使趕住食。 烤魚優惠套餐 ＄368平時食開嘅餐廳一條魚都值$250起跳，但估唔到呢個價錢包咗烤魚鍋或雞煲、肥牛或黑豚肉、田園拼盤同薯粉或烏冬。🐟招牌烤鉗魚魚肉十分嫩滑，魚肉上枱時已攤開咗兩邊， 方便食，亦無細骨。酸菜湯底幾開胃，莞茜、酸菜、白蘿蔔片同豆卜吸收啲湯汁，仲可以趁早加入有嚼勁嘅紅薯粉，可以盡早索味。🥩黑豚肉口感係似用來炒菜嘅肉片🤣，比較厚身，同平時打邊爐嗰款唔同。🥬田園拼盤種類十分豐富，有蘿蔔、蓮藕、薯仔、油麥菜、娃娃菜。🥟手工餃雙拼自家製嘅魚皮餅同韭菜水餃，包得幾靚，餡料亦充足。🍢烤豬頸肉 $28/2串作為川菜，唔少得叫串燒，調味好濃郁，燒得帶有少少脆焦香。

朋友話想食烤魚一齊睇OpenRice，搵到依間唔錯嘅餐廳套餐抵食喎鮮青花椒麻辣(少辣) 鉗魚條魚好大條！夠滑，又少骨 鍋入面好多配料 ❤️薯仔片，羅白片，大豆芽，娃娃菜等等，食得辣可以試下叫中辣 應該會再香d惹味d😎😎套餐仲包左蔬菜拼盤 有薯仔片，連藕片，油麥菜，白羅白片同粟米，咩都有啲，即刻感覺健康晒～仲有一份肥牛，細細片易入口，都幾重牛味，又唔係太肥👍🏻另外為食二人組仲叫左燒烤組盒，成set野連爐仔上，都幾有趣，一路熱住d串燒有豬頸肉，翠玉瓜，雞腎，雞心，雞皮，蝦，每樣有2串唔洗爭😆燒花甲，個辣汁好惹味！又冇沙，有少少薯粉係底，吸晒d汁，超正！

放左工，天氣凍凍地，約左朋友去旺旺烤活魚度食晚餐。餐廳係油麻地C出口，行兩分鐘就到，十分方便。餐廳好多卡位，闊落坐得舒服，哩度出名食酸菜魚+打邊爐。我同朋友點左歡聚2人烤魚套餐，只需$368可以揀烤鉗魚鍋招牌，味道五款選一：1.鮮青花椒麻辣2.招牌酸菜3.酸辣泡椒4.秘製香辣5.港式蕃茄另外有二人肥牛/極品黑豚肉（任選一款）紅薯粉/稻庭烏冬（任選一款）田園拼盤（有租菜、蘿白、蓮藕、粟米、薯仔）哩個套餐相當抵食，我地揀左招牌酸菜烤鉗魚，條魚大條，肉汁鮮甜。二人肥牛唔錯，牛脂味勁重，份量唔少。稻庭烏冬吸收晒魚湯汁，好味又夠滑。飲品叫左兩支藍味來飲，可以清下熱氣。

在油麻地新開了間烤魚店，不論冬天或是夏天也是有種火鍋情意結，所以一定一定要來試一試烤魚店。2人餐價錢合理，烤魚有多種口味選擇，我選擇香辣味，魚湯清甜，魚肉嫩溜，魚皮微脆，浸透辣味。另外我們點了薯粉，飽腹感一流，吸滿湯汁，加上蔬菜吃很滋味。我點了鵝腸、藤椒脆魚皮、牛栢葉、雲吞、蚌。鵝腸辣湯可以去掉腥氣，入口爽脆，頗滋味。牛栢葉彈牙爽口，必定要試試。羊肉，孜然味香濃撲鼻，入口肉嫩惹味。雲吞蝦肉彈牙，肉不少，皮薄，吸滿辣味。

旺旺烤活魚油麻地彌敦道469號新光商業大廈2樓A室 油麻地地鐵站C出口☝️一出電梯前面係酒樓 食小菜既地方旺旺係左手邊 比較fashion design modern有霓虹燈招牌 好易睇 放心🤣最近世界波 一路食魚，一路睇波！乾杯！紅糖滋粑 $48烤魚雞煲優惠套餐 $368青椒麻辣味 揀咗小辣 青椒麻而不辣惹味香口 等咗10分鐘 算幾快聽職員介紹用明火煮咗大概2分鐘之後首先飲一飲個湯底 品嚐一下青椒麻辣湯底嘅精華條魚大條又多肉 喺佢上枱之前其實已經八成熟記得幫條魚洗白白 🧼 精華要係咁幫佢由上而下沐浴 確保每一寸肌膚都有麻辣嘅香味極級黑豚肉 菜疏籃 讚岐烏冬