湯加 (形薈)

营业中

休息中

星期六晚，行到筲箕湾形荟，最后决定入呢间食晚餐。最快到嘅系，鱼肚鲮鱼滑淮山面套餐＋热奶茶$52，酸辣汤底＋$3，味道唔错，好足料。仲叫咗个猪软骨套餐＋热冬瓜茶 $58，都好快到，猪软骨嘅汁，送饭唔错，啲骨都软嘅，不过杯冬瓜茶就甜咗啲。另外等得最耐系胜瓜鱼肚猪肉片＋藜麦饭 $58，胜瓜就好少，肉片就好多，食唔哂，而碗藜麦饭真系好少藜麦，基本上都系白饭，以为会有好多藜麦，早知就叫其他套餐啦，起码都有杯热饮。总结：有自助水吧，不过啲水就唔系太好饮，食物质素都算ok，以晚餐价钱都算抵食，至于职员服务态度，就一般啦，不过睇返个收费，都算系成正比。食客都唔少，见到最多人叫蒸鱼套餐，睇落啲鱼都好大条，下次都可以试下。