帝景軒 (已結業)

朋友话有一间自助餐好抵食，我哋就约埋一班朋友去食啦！一坐埋位就有侍应送每人一碟花胶鲍鱼俾我哋食，超级正！食完呢个花胶鲍鱼之后，就出去睇吓有啲乜嘢食啦，有我食自助餐最钟意嘅长脚蟹！刺身款式虽然唔多，但质素都唔错，我就攞咗我最爱嘅三文鱼同墨鱼！熟食方面，烤牛肉质素都唔错，热盘𠮶度有个牛面颊都好好味，对于我呢啲牛魔王来讲，有唔同嘅牛肉选择，系十分开心嘅！甜品佢有个焦糖炖蛋，觉得都几好食，但系我挂住食唔记得影相，以雪糕方面佢都好多选择，除咗有牛奶公司雪糕之外，仲有Haagen-Dazs雪糕拣添，今次仲比我发现有香蕉味雪糕，香蕉味雪糕食落都几好食，唔会太重奶味，而香蕉味亦都好香浓！