二十道

放工就闺蜜公司附近，拣咗一间拉面店食饭。原本以为只系一间普通嘅日本拉面店，点知有惊喜！原来呢度有西式同日式嘅Fusion拉面食，钟意西班牙嘅，我当然拣咗呢道菜啦！西班牙豚肉拉面 有别于一般嘅日式拉面，佢有柠檬、芦笋、西班牙豚肉、煮西餐常用嘅车厘茄，仲有仲有日式嘅木鱼。个汤底呢就系鸡白汤！我几钟意𠮶个西班牙豚肉，有种BBQ嘅口感，汤底衬返日式口味，几特别同埋几好食。山竽鱼肉慢煮鸡肉拉面闺蜜就拣咗食鱼同鸡，好得意个山竽鱼肉外观似白糖糕，食落口软绵绵，好似棉花糖咁样。慢煮嘅鸡白肉搭配日本嘅山菜，仲有柠檬芦笋车厘茄，有种夏日清新田园口感。吉列蚝炸得外脆内软，味道鲜美熔岩虾球呢个要趁热食，因为虾球内层系蛋黄整既流心酱，令到个虾球味道多层次。饮品方面呢，我哋就叫咗返茄汁橙汁，正常嘅。蕃茄汁都有蕃茄味。