櫻田日本餐廳

相信好多人都会叫呢个龙虾餐，上枱时嘅摆盘好靓，一于相机先食龙虾🦞够鲜味，我最中意食膏，啖啖肉之余又多膏，肉质都够弹牙，好味呀。面豉汤中规中矩。叫咗和牛薄烧，里面有啲炸蒜调味，稍微掩盖左和牛嘅油香，食完先知后悔应该拣厚烧！！最后炒饭够干身，细细碗唔会油腻。不过如果呢个set加返个dessert会好好多，有时只系一粒雪米滋、两件水果都好过无，纯粹觉得系欠缺左个完整性。我好怕食完饭啲衣物有阵味，所以无拣坐bar counter，呢张相系之后补影嘅。