影片
更多
2023-12-15
26 浏览
有时心血来潮想食粉面，台湾嘢都系唔错嘅选择，台式料理嘅面条同汤底都做得好出色，另有一番风味！呢间台式料理有几间分店，价钱超抵而且出品都几好，里面装修简约，有两幅壁画，座位几阔落坐得舒服。餐厅主打红烧牛肉面、台式火车便当同拌面，而且仲可以用优惠价加配多款台式小食，性价比超高，平日晚市都有唔少人外卖拎走！-----------------------------🍜◖蕃茄牛筋丸面◗ $78有五大粒牛筋丸，牛筋丸弹牙牛味香浓，而且带有适当嘅油香。另外仲加咗一个溏心蛋（+$8），里面嘅溏心超吸引🤩，半凝固状态，带有酱油香，蛋味香浓！拣咗台式粗面，佢系粿条𠮶种质感，比较有咬口，满满嘅麦香，蕃茄汤底亦都好浓郁，质地黏稠，汤汁完全挂满面条，超级引！🐖◖古早味厚切排骨便当◗ $68呢个台式火车便当做得几精致，有酸萝卜、芽菜、椰菜，另外仲有半个卤蛋同台式香肠做配菜，再放上大大块嘅厚切排骨，超满足！便当用上珍珠米，饭粒分明而且有咬口；厚切排骨啖啖肉，味道微甜，边位㶶脆，有少少似食紧叉烧咁！🐂◖红烧三宝汤◗ $80有牛筋、牛腩同牛腱，超大碗超多料！牛三宝煮得软腍够入味，食落口满满嘅胶质，个底仲有啲油麦菜，吸满
-----------------------------
🍜◖蕃茄牛筋丸面◗ $78
有五大粒牛筋丸，牛筋丸弹牙牛味香浓，而且带有适当嘅油香。另外仲加咗一个溏心蛋（+$8），里面嘅溏心超吸引🤩，半凝固状态，带有酱油香，蛋味香浓！拣咗台式粗面，佢系粿条𠮶种质感，比较有咬口，满满嘅麦香，蕃茄汤底亦都好浓郁，质地黏稠，汤汁完全挂满面条，超级引！
🐖◖古早味厚切排骨便当◗ $68
呢个台式火车便当做得几精致，有酸萝卜、芽菜、椰菜，另外仲有半个卤蛋同台式香肠做配菜，再放上大大块嘅厚切排骨，超满足！便当用上珍珠米，饭粒分明而且有咬口；厚切排骨啖啖肉，味道微甜，边位㶶脆，有少少似食紧叉烧咁！
🐂◖红烧三宝汤◗ $80
有牛筋、牛腩同牛腱，超大碗超多料！牛三宝煮得软腍够入味，食落口满满嘅胶质，个底仲有啲油麦菜，吸满晒红烧汤，好食！
🍧◖荔液满白峰◗ +$28
🌼◖桂蜜躺雪山◗ +$28
佢嘅芋圆有荔枝同桂花两只味，都好抵食，跟餐加$28就食到！两款配料基本都差唔多，有仙草底，加上芋圆同云呢拿雪糕。荔枝𠮶只味放上荔枝味爆爆珠，另一个口味就喺仙草上面淋上桂花蜜，个人比较钟意桂花口味，味道清香而且整体冇咁甜，香气更加有层次！
🍵◖泡沫红茶◗ +$8
跟餐嘅嘢饮真系好抵，茶味都几浓郁，带有微微嘅涩味。
🌟Encore指数：8.6/10
张贴
