泰濃麵 (樂道)

营业中

休息中

近排天气热热湿湿每到晚餐时分就会好想食泰式汤面，今日喺尖沙咀行紧街，经过见到呢间好似都几吸引，就入咗去，呢度人流都算好多，不停有客排队入嚟食，又有本地人，又有游客，虽然做到冇停过，但系服务员全部都好有礼貌。虽然话想食汤面，但系食泰国嘢点少得炸嘅小食？今日我地要左个泰式炸虾饼同炸鱼饼，两个都炸得好酥脆，好好食。至于面食，我地就要左一份美国肥牛冬荫功黄面同一份安格斯肥牛船粉。个冬阴功汤底劲好食，超浓，肥牛份量都唔少。至于个安格斯肥牛，根本就系入口即溶。船粉汤底亦都好好味。