Gustoso Burger (海都大廈) (已結業)

SOGO 血拼完，去咗附近嘅Gustoso Burger简单买个汉堡回家！小店主打汉堡，铺面唔大，只做外卖生意，亦因为咁，汉堡价钱唔贵，$39-$88已有交易，喺铜锣湾区算系非常亲民。汉堡除咗分猪、鸡、牛、海鲜及和牛系列之外，仲有埋素Burger，选择多样化。我拣咗牛油果脆鸡堡($58)，材料简单，有脆鸡，牛油果酱，牛油果片，洋葱，车打芝士及番茄，配搭虽然稳阵，但味道唔错，特别系块脆鸡，炸得香脆唔油腻，咬落肉质嫩滑之余仲带有肉汁，唔会炸得好干。汉堡包咬落唔会好空气感，比较扎实，如果烘得脆口d就更有口感啦。不过始终返到屋企先食，隔咗15min左右，牛油果酱开始有少少变黑，影响卖相。如果将洋葱摆喺牛油果酱下面，可以减慢氧化速度。+$19升级套餐，有3粒香芋地瓜丸及一杯$18饮品。香芋地瓜丸好有惊喜，唔会炸得油腻，入面系软绵香甜嘅香芋地瓜蓉，虽然邪恶但好味！呢度饮品同样好多选择，有梳打、珍珠奶茶、鲜奶、朱古力同芝士奶盖系列。天气热，拣咗杯冻白桃乌龙茶（原价$26,补$8)，茶味香醇，带有淡淡白桃香甜清新，消暑一流。落单后先见到原来糖度同冰量都有得拣，如果店员主动问一句会更好。