B哥車仔麵 (已結業)

经常系附近食早餐，发现原来开左间车仔面，一于就约埋住观塘的朋友来食，入到店铺就先系收银落单，选择都几多，除左基本拣三个𩠌一面之外，佢都仲有几个套餐“大B套餐”“细B套餐”同埋一个素食餐，唔想再谂食咩，所以就拣左大B餐，朋友佢就要细B餐。落完单就望住个mon，等左阵见到自已号码就有得食，大B餐有鱿鱼，鱿鱼好爽，大肠就好入味，我要左个小辣，辣度啱啱好，唔会抢左其他味，而朋友的细B套餐，见到都好多𩠌，试左佢一旧萝卜，煮得好淋，完全入晒味，还有发现B哥有好多小食，就拣左个香茅鸡翼，同埋炸虾饼，估唔到小食做得一样出色，全部都系即叫即炸，虾饼热辣辣，咬一啖已经觉得好弹牙，加上又大件又厚身，而鸡翼就炸得表皮好香脆，亦都真系有香茅味，食左咁多野，最后都有叫番杯特饮，咖啡红豆冰，红豆好淋又甜，可以消减一下啲油腻，整体都好好味，下次再食其他。