影片
更多
2022-09-01
1188 浏览
好味指数😋😋😋😋回头指数 ⭐️⭐️⭐️⭐️开心指数🤗🤗🤗🤗呢间店嘅下午茶做到6点，时间上可以系early dinner，今次试咗4款，每款都会有饮品，我哋买外卖。🍴马来炒贵刁（$78）打开时热辣辣，好香，用料都几足，有颇多虾肉、鱿鱼、亦有几片猪肉腊肠，芽菜系比较肥嘅，即系用咗怡保肥仔芽菜。贵刁颜色比较深，应该用咗甜酱油炒，镬气十足，贵刁炒到一条条，炒得好好。一食落去，比想像中辣，如果唔食得辣嘅朋友应该会觉得辣，但对我嚟讲系好惹味，呢个系好好食！🍴地道老鼠粉（$62）呢个同样用料十足，有劲多肉碎，仲有鱼干仔、菜脯、炸花生、鸡蛋，用咗叁巴酱去炒银针粉，好惹味，虽然呢个同炒贵刁一样都系显示有一只辣椒，不过相比下就冇咁辣，我觉得炒贵刁应该要转为两只辣椒会比较反映到实际味觉。呢个一定要快D食，因为外卖关系，已经会比起响店食冻咗少少，如果唔衬热食，就会比较油腻。🍴海南鸡饭（$68）佢嘅鸡好入味亦都非常滑，鸡本身比较肥美（所以个皮下面会有层油，怕肥嘅就自行决定食唔食），个油饭都比起其他店食到嘅深色少少，够入味，饭亦粒粒分明有咬口，配足3种酱料，不过因为鸡本身够味，唔点酱食都已经好好味，呢个几唔错。🍴串烧拼盘
回头指数 ⭐️⭐️⭐️⭐️
开心指数🤗🤗🤗🤗
呢间店嘅下午茶做到6点，时间上可以系early dinner，今次试咗4款，每款都会有饮品，我哋买外卖。
🍴马来炒贵刁（$78）
打开时热辣辣，好香，用料都几足，有颇多虾肉、鱿鱼、亦有几片猪肉腊肠，芽菜系比较肥嘅，即系用咗怡保肥仔芽菜。贵刁颜色比较深，应该用咗甜酱油炒，镬气十足，贵刁炒到一条条，炒得好好。一食落去，比想像中辣，如果唔食得辣嘅朋友应该会觉得辣，但对我嚟讲系好惹味，呢个系好好食！
马来炒贵刁
$78
35 浏览
0 赞好
0 留言
🍴地道老鼠粉（$62）
呢个同样用料十足，有劲多肉碎，仲有鱼干仔、菜脯、炸花生、鸡蛋，用咗叁巴酱去炒银针粉，好惹味，虽然呢个同炒贵刁一样都系显示有一只辣椒，不过相比下就冇咁辣，我觉得炒贵刁应该要转为两只辣椒会比较反映到实际味觉。呢个一定要快D食，因为外卖关系，已经会比起响店食冻咗少少，如果唔衬热食，就会比较油腻。
地道老鼠粉
$62
20 浏览
1 赞好
0 留言
🍴海南鸡饭（$68）
佢嘅鸡好入味亦都非常滑，鸡本身比较肥美（所以个皮下面会有层油，怕肥嘅就自行决定食唔食），个油饭都比起其他店食到嘅深色少少，够入味，饭亦粒粒分明有咬口，配足3种酱料，不过因为鸡本身够味，唔点酱食都已经好好味，呢个几唔错。
海南鸡饭
$68
25 浏览
1 赞好
0 留言
🍴串烧拼盘（$68）
鸡肉、大虾同鱿鱼须各两串，呢个唔算好食，鸡肉本身腌料系okay 嘅，不过因为比较细串，亦都应该烧得太耐，令到肉质劲干劲嚡；大虾冇腌到，同样地都系烧得耐，劲干；鱿鱼须当然有同样问题，因为好细条亦过火，好似咬紧橡筋咁！不过个酱系几好味嘅，平时嘅串烧酱比较黄色，花生味会好重，呢款酱系深啡红色，系好惹味嘅香辣味，可惜佢都救唔返作为主角嘅串烧。
串烧拼盘
$68
20 浏览
0 赞好
0 留言
🍴冻桔仔话梅水（跟餐）
呢个最好饮，桔仔同话梅味都好够，酸酸甜甜劲开胃，啱晒夏天饮，饮到最后仲可以食埋粒话梅，正！
🍴冻手工拉茶（跟餐）
拉茶好滑，茶味奶味浓郁，唔错。
🍴香茅青柠荔枝梳打（跟餐）
见到杯入面有好多薄荷叶，谂住好正啦，点知一饮，劲淡，嗒咗好多啖先饮到淡淡嘅香茅味，荔枝味系有嘅但都好淡，只系饮到有丁点味加梳打水，我觉得至少要增味50%先得！
整体上呢度嘅下午茶系好抵食，份量好足，唔似有D下午茶咁劲细份，职员嘅态度都好好，本身我哋想叫主餐牌嘅鸡肉串烧，同样$68得4串鸡，因为我哋冇睇清楚原来下午茶餐有同类嘅嘢，职员建议我哋可以考虑叫下午茶餐嘅串烧拼盘，有多两款多两串仲有杯嘢饮，我哋就转咗，虽然最后串烧系唔好食，但职员嘅待客之道系值得赞嘅。
张贴
