影片
更多
2022-05-29
592 浏览
中午行咗去红磡食饭，之前成日经过「红椒力量」，但帮衬都系第一次。我喺门口睇佢一系列嘅餐牌已觉得花多眼乱🙈，午餐选择超过二十款，咸盖港式滋味同埋东南亚风情。店员非常好客，见我哋头痕嘅样子，就主动作出介绍👍。午餐除咗选择多之外，价钱亦都好相宜，人均消费四五十蚊就搞掂，难怪有咁多街坊帮衬。新加坡海南鸡饭($51)，套餐内容好完整🥢，有齐例汤、香油饭同三色酱料。先讲海南鸡，鸡肉好入味，肉质够嫩滑，鸡皮爽而不腻，师傅好手势🐔，但扣分位系并非去骨，唔啱我呢啲小朋友食，讲笑啫，哈哈。🍚油饭令人喜出望外，斋睇色水觉得无乜特别，不过原来劲香，油份适中，饭质软熟。唔钟意食饭嘅我都成碗食晒！至于例汤就属正常水平啦，唔味精嘅。美式什扒($78)，呢个餐系我同事点，大食嘅佢食完都话饱晒🤰。菜式摆盘精美，绝对唔系求其将啲肉放埋一齐。食杂扒可以一次过满足多个愿望，集猪扒、牛扒、鸡扒、鸡翼、香肠同火腿于一身，切都切到手软啊。🍕肉嘅质素都唔差，唔系用松肉粉腌到过晒火𠮶种。酱汁要咗洋葱汁🧅，几惹味，分开上可自己控制落几多。伴菜有手切薯条同瓜菜，唔够食仲可以加$10要饭或者意粉。扒餐跟餐包同罗宋汤，两样都唔马虎。🥖面包热辣
中午行咗去红磡食饭，之前成日经过「红椒力量」，但帮衬都系第一次。我喺门口睇佢一系列嘅餐牌已觉得花多眼乱🙈，午餐选择超过二十款，咸盖港式滋味同埋东南亚风情。
店员非常好客，见我哋头痕嘅样子，就主动作出介绍👍。午餐除咗选择多之外，价钱亦都好相宜，人均消费四五十蚊就搞掂，难怪有咁多街坊帮衬。
新加坡海南鸡饭
$51
8 浏览
0 赞好
0 留言
新加坡海南鸡饭($51)，套餐内容好完整🥢，有齐例汤、香油饭同三色酱料。先讲海南鸡，鸡肉好入味，肉质够嫩滑，鸡皮爽而不腻，师傅好手势🐔，但扣分位系并非去骨，唔啱我呢啲小朋友食，讲笑啫，哈哈。🍚油饭令人喜出望外，斋睇色水觉得无乜特别，不过原来劲香，油份适中，饭质软熟。唔钟意食饭嘅我都成碗食晒！至于例汤就属正常水平啦，唔味精嘅。
美式什扒
$78
9 浏览
0 赞好
0 留言
美式什扒($78)，呢个餐系我同事点，大食嘅佢食完都话饱晒🤰。菜式摆盘精美，绝对唔系求其将啲肉放埋一齐。食杂扒可以一次过满足多个愿望，集猪扒、牛扒、鸡扒、鸡翼、香肠同火腿于一身，切都切到手软啊。🍕肉嘅质素都唔差，唔系用松肉粉腌到过晒火𠮶种。酱汁要咗洋葱汁🧅，几惹味，分开上可自己控制落几多。伴菜有手切薯条同瓜菜，唔够食仲可以加$10要饭或者意粉。
扒餐跟餐包同罗宋汤，两样都唔马虎。🥖面包热辣辣，口感松软；而汤品就好足料，酸酸哋令人开胃。
饮品方面🥤，冻饮加$3，特饮加$10，即使加埋饮品都仲系好平。我要咗珍多冰，大大杯，冰凉消暑，椰香味浓🥥，又唔会太甜。同事要咗冻咖啡，佢话都OK。
总括嚟讲，🌶红椒力量系抵食夹大份嘅代表，食物质素不俗，价钱大众化，绝对可以一再到访。最后，虽然呢度环境无好靓嘅装修，但整体都算干净企理，客人坐得舒服😀。
张贴
