十二味 (赫德道)

营业中

休息中

同frd黎十二味，连锁餐厅，之前食过几次质素稳定。酸菜鱼配宽粉酸菜鱼嘅汤底微微酸辣，鱼肉滑嫩。配埋宽粉，吸满汤汁，口感一流。酸酸地都好开胃。嵊州老面小笼包6只以为系上海小笼包，后来先知系肉包。27蚊有6个超抵食啊。Q弹鱿鱼须10串鱿鱼须烤得刚好，外脆内嫩，口感弹牙。调味唔算重，可以食到鱿鱼本身嘅鲜甜，非常惹味。凉拌土豆丝凉拌土豆丝挺爽口，带有少许酸辣，十分醒胃。土豆丝切得均匀，保持咗爽脆嘅口感，唔会过软。红油鸡片红油鸡片带有浓郁嘅麻辣香气，鸡肉嫩滑，香味十足。红油香而不辣，底下好多青瓜，鸡肉都好多。泡椒黄喉脆螺片呢道菜用泡椒调味，带出鲜辣嘅味道，黄喉同脆螺片都非常爽脆。香辣开胃。食咁多埋单都系6百几蚊，超级抵食。而且服务无错，几好坐。