麗園 (已結業)

我见到网上面话荃湾丽园有海鲜$45超抵食，我就走去排埋一份，我去到条队都排到转晒湾，啲人多到😮‍💨不过都值嘅，因为真系好抵，我一盒一个𩠌，今次我买左两盒炒蚬，两盒椒盐虾，一盒辣酒煮花螺，一盒长脚蟹同一条盐焗乌头，今日返到屋企太多盒啦，所以就用碟装住嚟影相俾大家睇😆首先讲吓个蚬先：味道系够味，炒得好食嘅，但系我自己就觉得喊咗啲，如果减返啲盐就Perfect啦🤣长脚蟹：我就觉得干得滞，味道方面可以讲无咩特别，所以我唔会考虑回购，除非转第二个煮法☺️椒盐虾：呢个都好味，啲虾都系新鲜虾炒，无咩特别可以介绍，但椒盐虾系值得回购嘅😋辣酒煮花螺：呢个味道都唔错，可能我食得辣啦，我就觉得如果辣啲就好啦，但系都系好味嘅，而且仲食到有酒味😋最后就系要推介一下条盐焗乌头，呢条鱼就唔系$45果啲小菜，但系大家如果钟意食鱼就一定要试吓，佢条鱼真心好食，而且果啲黄油都漏出嚟，啖啖肉，加埋黄豆酱无得顶👍所以今次嘅购物体验系超值，盒盒都大大盒，而且仲系$45盒，排咁耐都系抵，但抵过自己煮。