德興車仔麵

营业中

休息中

宜安街街市二楼德兴车仔面，平日假日人流唔算多，舖位自成一角， 冷气开放，啱晒我呢啲牛头角街坊落去。舖头入边好多选择，有炒公仔面、牛杂面同车仔面等，其实早前都听闻过呢间舖头出名多𩠌，今日就试吓佢嘅小招牌面。😀鱼蛋、猪红、猪皮、萝卜、鸡翼、韭菜饺、煎酿茄子同油豆腐，𩠌嘅阵容已经高CP值，猪红猪皮萝卜入味，韭菜饺系老板娘自己包，韭菜同肉嘅份量迫爆饺子皮，成个面加埋杯冻奶茶，都系$40，整体上份量非常够。现今嘅车仔面好多元化，而且价钱都直线上升，呢间隐世街市车仔面虽然唔系咁多人识，但系好多街坊去帮衬，抵食夹大件我谂都几适合呢间舖头，值得推荐。