婆婆家餃子館

营业中

休息中

餐厅主打上海菜，提供饺子、小食、上海饭面套餐等。晚市7点半左右已经full哂，等左5-10分钟有位。叫左猪软骨晚市套餐($60)，口水鸡套餐($57)，红油抄手($45)，白菜猪肉饺6只($28)，家乡韭菜盒。猪软骨非常多，起码有9件。每件都软’林’适中，入味。仲有几件薯仔、红萝卜，真心好足料又唔贵。如果软骨位煮得再软身d，就更好。晚市套餐仲有小食青瓜、豆浆附送，叫少白饭都依然俾劲多。口水鸡选用鸡髀部位，鸡皮滑嫩多肉。面头既蒜辣酱超惹味，拣左少辣，有阵阵酸酸辣辣既味道，配饭一流。红油抄手一碗有12只，每只都大小均匀，肉馅丰富。热辣辣再加上少辣，食食下会呛。饺子既皮比抄手既厚身d，但馅料一样饱满。枱上有调味料可以落，唔知系味随个人口味，可以问厨房拎汤(?)。见到餐牌有韭菜盒，即刻叫。咁岩得番最后一件，好好彩厨房职员肯卖埋俾我地，超感动。炸过既韭菜盒超脆，但食落唔油腻唔热气。馅料有超多韭菜，混有冬粉、蛋等材料，香口又大件。重点系，好少有餐厅卖。整体，餐牌上面有各式各样既上海小食，仲要价钱唔贵质素高，2个人卖单人均$100，食到极饱仲有剩。要去多几次先食哂心水食物。