光榮冰室 (厚福街) (已結業)

光荣冰室相信系好多人嘅饭堂，选择多之余，价钱又大众化，味道亦绝对唔差，就连冻饮都唔洗加钱！今次食叉烧炒蛋饭，饮冻好立克走甜，同平时一样，碟头极大，炒蛋极多，叉烧都好足，加埋葱好香，大碟到可以分两餐！今次啲饭粒粒分明，再加多少少豉油，真系几大碟都清得晒，杯好立克就够晒浓，水吧肯定唔吝啬，所以就算走甜都好够味唔好以为咁贴地嘅餐厅仔，侍应一定冇礼貌，呢间光荣啲后生仔女都有礼貌，做嘢又快手，嚟医肚真系超值！