好好運快餐店 (已結業)

嚟咗荔枝角返工之后，第一次食呢间隐世好好运餐厅。隐世，因为佢个位置都好隐秘，要喺半岛大厦再捐入去，唔系有同事带一定揾唔到。地方唔算细，但坐无虚席，仲会有条龙等，不过都唔算等得耐，而且会同你落单先，几乎一坐低就有得食。$52包面同嘢饮（冻饮都唔洗加钱），真心讲，非常抵食！影呢张相无专登撩啲牛肉出嚟，但其实个碗入面系超多会食唔晒果只。仲可以加2样𩠌，我拣咗煎蛋同红肠，两块红肠厚切到司华力肠咁，真系好惊艳！ 仲要啲沙嗲牛肉超浓味，啲汁系无悭到，非常浓郁，肉质都好食，淋既唔会好多筋。同埋茶记嚟讲，佢都算好干净企理，都好多OL嚟食，不过好似只开11am-5pm，喺附近返工既朋友仔有时间真系推介去试下！