影片
更多
2008-06-20
142 浏览
大家已有默契, 无论结果如何, 都会食餐饭, 庆祝+慰劳一下!!这里最就脚, 但要食小菜的话, 一定要预订位及套餐. 上一次唔知, 来到只有碟头饭可以拣.一行16人, 点了这里的全包宴, 味道不错, 而且份量亦足. 虽男士占绝大部份, 仍够吃.川芎元肉杞子桑拿虾 : 一上台, 超劲的蒸气涌出, 连碟虾都睇唔到... 虾本身几新鲜爽口, 只只size都好平均, 闻落好香酒味同元肉味, 但食落就唔太突出.虾子鲍片金钱扒生财 : 即平时去饮的饱片生菜, 不过加左虾子则多了一份鲜味喜气洋洋新疆火焰羊架 : 是全台人也哗然的一道, 虽然中间的火焰与羊架无咩关系, 但就有气势啰. 我唔食羊, 唔知味道, 但见邻坐友人吃得滋味, 应该唔差.香江百合腰果西芹带子 : 腰果香口, 西芹唔硬, 带子唔算好大只但厚身, ok!阿拉斯加长脚蟹 : 这个是 +$600 转的. 平时冻食蟹脚多, 中式煮法则睇一次. 这里用了葱蒜炒, 好入味, d葱更惹味, 不少人用来送饭.霸皇鸡 : 皮下脂肪唔厚, 鸡肉入味亦几嫩滑, 面层的一大堆葱丝又系伴饭之选.佛跳墙 : 唔要翅转呢款. 试了点, 汤料足够鲜味,
这里最就脚, 但要食小菜的话, 一定要预订位及套餐. 上一次唔知, 来到只有碟头饭可以拣.
一行16人, 点了这里的全包宴, 味道不错, 而且份量亦足. 虽男士占绝大部份, 仍够吃.
川芎元肉杞子桑拿虾 : 一上台, 超劲的蒸气涌出, 连碟虾都睇唔到... 虾本身几新鲜爽口, 只只size都好平均, 闻落好香酒味同元肉味, 但食落就唔太突出.
虾子鲍片金钱扒生财 : 即平时去饮的饱片生菜, 不过加左虾子则多了一份鲜味
喜气洋洋新疆火焰羊架 : 是全台人也哗然的一道, 虽然中间的火焰与羊架无咩关系, 但就有气势啰. 我唔食羊, 唔知味道, 但见邻坐友人吃得滋味, 应该唔差.
香江百合腰果西芹带子 : 腰果香口, 西芹唔硬, 带子唔算好大只但厚身, ok!
阿拉斯加长脚蟹 : 这个是 +$600 转的. 平时冻食蟹脚多, 中式煮法则睇一次. 这里用了葱蒜炒, 好入味, d葱更惹味, 不少人用来送饭.
霸皇鸡 : 皮下脂肪唔厚, 鸡肉入味亦几嫩滑, 面层的一大堆葱丝又系伴饭之选.
佛跳墙 : 唔要翅转呢款. 试了点, 汤料足够鲜味, 略嫌唔够热
清蒸大金鲉 : 条鱼没有蒸过火, ok.
樱花白云扒碧绿 : 即蛋白扒西兰花. 樱花是指面层洒上的樱花小虾干. 普普通通, 没太大惊喜.
上汤过桥丝网鲜虾卷 : 老细话原本是用猪网油炸的, 但要健康, 已改用植物油. 虾卷好松脆, 内馅切成粒粒有口感. 过桥的意思是可以先将虾卷放在上汤一浸, 老细话可减热气呢~
香江黄金裹蒸粽 : 即把裹蒸粽压扁煎香, 再铺上木鱼片, 老细说此乃得奖菜. 我则觉得除较香口外, 无咩特别.
南瓜椰汁珍珠炖官燕 : 最差的一道. 淡口, 又没有官燕, 试了一啖便放弃.
生果拼盆 : 只有西瓜, 可来拼盆?
此套餐还包一支红酒及一渣果汁先生. 盛惠$1580, 足够14-15人吃, 我地16个都够饱, 其实都几抵.
还有这里有点私房菜feel, 全场只做8围. 期间老细又不断走来介绍倾计, 之后又见大厨和邻台的讲食经, 都几有趣!!
昨晚刚巧有人庆生日, 老细更熄晒灯, 播晒歌咁送个蛋糕出来呢! 有喜庆聚会的话, 这里可以一试.
张贴
