新忠記打冷小菜館 (已搬遷) 新店位置

Honey原本打算去时X食汉堡包，点知收8:30食唔到。于是揸架车泊喺仁孚再兜下有咩食，兜完一个圈Honey就话食打冷，我老祖宗系潮州人紧系钟意食潮州野啦，即刻话好呢！可能比较夜去到唔使等位即刻有位👍🏻睇住餐牌样样都想食先黎咗个蚝仔粥，其实无咩特别，不过够多蚝👍🏻👍🏻👍🏻之后就有个鹅片三拼，我地就拼咗墨鱼&鹅肠其实我鹅肠一向都好少食，但Honey钟意食，所以就吓佢拼埋鹅肠，不过佢话鹅肠都几爽口，鹅片都厚肉唔会太薄，抵食，不过呢碟最惊喜系豆腐，好滑呢！又够入味，好好味👍🏻👍🏻👍🏻👍🏻👍🏻再黎个蒜蓉炒芥兰，真系抵食到爆，超大碟！我同Honey成晚最觉得好食系呢个猪软骨煲，D骨淋到够适中有咬口，又唔会太硬咬唔到，少少脆口感仲好入味，个底系用咗支竹，索哂D汁正到爆，如果无叫蚝仔粥的话，可能食到一碗饭呢！成晚唯独是四围环境嘈过喺大排档，不过食得打冷都预咗。