帝樂德國餐廳 (Fashion Walk)

营业中

休息中

今日喺铜锣湾行完街，喺fashion walk揾野食，见到呢间德国餐厅，有个几抵食嘅set,就入去试吓。德国黑森林火腿配农夫包多士火腿嘅咸香味好正，配埋脆卜卜嘅农夫包多士，点埋佢地嘅意大利醋，非常夹。夏日海鲜沙律杯卖相都几靓，个味道酸酸甜甜好清新，呢个沙律都几多料，有鱼子酱，八瓜鱼，吞拿鱼，虾，仲有芒果，每样海鲜都好新鲜，配埋新鲜嘅沙律菜，唔错。招牌烤脆皮猪手虽然系半份，但份量都几大份，猪手外皮烤到劲脆口，而d肉都好嫩，唔会柴皮，配埋德国酸菜食，可以解油腻感。海胆，蟹肉，意大利芝士扭扭通心粉海胆劲鲜甜，都几大片，个芝士汁浸晒落d扭扭粉果度，好creamy,好好味，而d蟹肉，都有好浓郁蟹味。百香果芭菲配焦糖杏仁个甜品卖相都几靓，百香果雪芭味好特出，好香甜，配埋新鲜嘅百香果肉一齐食，更正，而焦糖杏仁都好脆唔算太甜，呢个甜品好睇又好食。卢云堡啤酒，白酒，红酒任饮2小时呢个餐做埋会员好抵，半价就可以食到，其实饮几杯同咁多野食都值回票价。