亞萊泰 (淘大商場3期) (已結業)

今日同阿仔学完结他，阿公阿婆又嚟左接佢，就一行五日去食个Tea,不过其实系early dinner,因为饱到之后dinner都食唔落。呢道地方宽敞，好光猛，浅色系装修，浅木质桌椅，櫈有厚软垫，坐得舒服。我哋今日重有大卡位坐，重正！马沙文咖喱牛腩饭牛腩好淋、好入味，个马沙文咖喱汁好香，一d都唔辣，送饭食一流。马沙文咖喱鸡扒饭鸡扒外层有烤焗过，层鸡皮有蜜汁，香脆。个马沙文咖喱汁好香，配饭食好正。海南鸡饭黄油鸡饭唔够香，不过饭质粒粒分明，海南鸡算滑嫩，加埋食海南鸡既三宝酱食，好夹，好味。喇沙肥牛豆卜汤河个汤底好香味，小辣，带有酸味，河粉好滑，肥牛又薄又有牛味，配埋豆卜食，啲汤汁朔晒入去，正！泰式扎肉汤河河粉好滑，汤底香浓，扎肉算厚，最惊喜配几旧猪油渣，个面嘅层次即刻提升左，好有口感。每个个Tea份量都唔少，个个都有配饮品，饮品有冻柠茶、冻柠水、奶茶、杏霜，全部正常，不过不失。