影片
更多
2021-04-19
1247 浏览
一直想去呢间餐厅食，讲咗都好耐好耐但一直冇机会，今晚终于有机会试到啦同男朋友出完九龙返番嚟，时间都唔早了都成大概八点九了，星期五嘅晚饭时间我地两个入座果时，餐厅都已经七八成full了我哋点咗个二人餐，因为见都几抵食咁价钱又唔算贵，食物选择又多我观察到，餐厅嘅特色系～啲菜式系一道一道咁上嚟，等你食完之后先上第二第三道𩠌咁嘅模式依样好值得一赞因为我觉得咁样嘅话可以令你用心慢慢欣赏每一道菜嘅特色 唔会上到成枱𩠌，食唔晒之余又唔知食边样好第一样系刺身，样子十分之精美摆得好靓！一共有四款刺身，每款都好大片虽然唔算好厚一片但胜在厚薄十分适中我好钟意嘅希灵鱼同埋三文鱼都好肥美尤其是啲白鱼刺身，劲香呀，超正！食得出d刺身系够新鲜嘅，尤其是系啲虾只系我觉得佢啲虾刺身有少少细嚿啰～第二样系，酱烧三文鱼腩寿司每一嚿都大细均匀，样子望落烧得好靓 上面铺满咗蟹子同少少葱花口感丰富食落有一种入口即溶嘅感觉 三文鱼腩烧得好香好滑味道十分之好，每人得两件真系唔够喉好想食多几件，哈哈第三样系寿喜烧，其实比我想像中要大碗 真系超大碗唔系讲笑，我仲心谂：死啦，我哋两个点食得完，不过好彩最后都清晒依碗寿喜烧真系好足料，有菇有
但一直冇机会，今晚终于有机会试到啦
同男朋友出完九龙返番嚟，时间都唔早了
都成大概八点九了，星期五嘅晚饭时间
我地两个入座果时，餐厅都已经七八成full了
我哋点咗个二人餐，因为见都几抵食咁
价钱又唔算贵，食物选择又多
我观察到，餐厅嘅特色系～啲菜式
系一道一道咁上嚟，等你食完之后
先上第二第三道𩠌咁嘅模式
依样好值得一赞因为我觉得咁样嘅话
可以令你用心慢慢欣赏每一道菜嘅特色
唔会上到成枱𩠌，食唔晒之余又唔知食边样好
第一样系刺身，样子十分之精美摆得好靓！
一共有四款刺身，每款都好大片
虽然唔算好厚一片但胜在厚薄十分适中
我好钟意嘅希灵鱼同埋三文鱼都好肥美
尤其是啲白鱼刺身，劲香呀，超正！
食得出d刺身系够新鲜嘅，尤其是系啲虾
只系我觉得佢啲虾刺身有少少细嚿啰～
第二样系，酱烧三文鱼腩寿司
每一嚿都大细均匀，样子望落烧得好靓
上面铺满咗蟹子同少少葱花
口感丰富食落有一种入口即溶嘅感觉
三文鱼腩烧得好香好滑
味道十分之好，每人得两件真系唔够喉
好想食多几件，哈哈
第三样系寿喜烧，其实比我想像中要大碗
真系超大碗唔系讲笑，我仲心谂：死啦，
我哋两个点食得完，不过好彩最后都清晒
依碗寿喜烧真系好足料，有菇有粟米
又有超多娃娃菜，啲娃娃菜仲要好甜添！
仲有只生鸡蛋啦，同埋劲多牛肉
啱晒我啦，我最钟意食肥牛，所以食咗好多
食完之后啲汤底仲要好好饮好鲜甜
第四样就系天妇罗，估唔到佢连d炸物
都做得好好，每样都大大件绝不马虎
有炸南瓜，茄子，秋葵，蕃薯＆两件炸虾
平时好少会食茄子秋葵呢啲蔬菜
不过佢炸得好好食，同埋唔会话感觉上
食到净系得一团炸粉咁样
而且啲炸虾，佢真系做到外脆内软啰
脆卜卜嘅炸物入面包住又腍又爽嘅虾肉
呢个天妇罗嘅口感真心正
最后一样就系呢个芝士乌冬
虽然食到第五样𩠌，已经饱左九成
但真系太好食，成个乌冬都畀我哋清晒
佢啲乌冬可以话系我食过嘅乌冬入面
最弹牙嘅一间，因为真系好烟韧好有咬口
d乌冬喺口入面好有弹性，感觉就
好似个波咁，弹下弹下，好得意
虽然个乌冬d芝士味，相对地就冇咁出
不过份量就好多，而且上面两件炸虾
都炸得好好味，系腍到连啲虾壳都可以食埋
总括嚟讲呢一餐真系好满足
食物都几有水准之余，而且份量又多
我哋 都只系食咗45分钟，每样𩠌慢慢咁上
可以试真啲味道，慢慢咁食，唔会好快就饱
所以每一样嘢我哋都清晒
张贴
