小清邁 (柯士甸大廈)

营业中

休息中

今日迟咗收工，唔想煮饭，经过呢间泰式外卖店就买外卖返屋企，呢间泰式外卖店系泰国人主理，即叫即做，保证新鲜热辣。 无骨海南鸡饭$62份量都好足，又1/4只鸡,油饭大大碗。鸡肉啖啖肉，肉质嫩滑，鸡皮爽滑，沾上泰式海南鸡酱汁，好好味。鸡油饭调味刚刚好，好香，忍唔住一口接一口。泰式炒金边粉 $58金边粉炒得好有镬气，香喷喷，加上花生碎，好香口，配料亦都好多，有大量鸡丝，豆干，芽菜同韭菜。金边粉质地爽弹，酸酸辣辣好味道。牛肉串烧3串 $54牛肉好惹味，啖啖肉，肉质唔嚡。个沙嗲酱汁系灵魂，花生酱味好香，少少辣，会令人食唔停口，系不能抗拒嘅诱惑。总括而言，呢间泰式店嘅食物份量都好大，抵食又好味。