象月-泰式休閒餐廳 (已結業)

一直都想同男朋友试下象月，终于有机会☺️午市套餐几抵食，包前菜主菜饮品，仲有得以优惠价钱加配小食，选择都几多～前菜可以拣青木瓜沙律／冬荫功－青木瓜沙律开胃爽口，酸辣度好够；冬荫功亦好味道，但可能接近落场时间所以温度唔够热。炒金边粉好大份，有几只虾同豆干几足料，炒得偏湿但调味唔错，捞埋花生粒同辣椒碎更好食。牛肉船面有肥牛同炸猪皮，汤底带甜就咁饮都几好味，如果再多几款配料会更吸引～秘制烧猪颈肉香口唔干身，配咗类似酸梅酱嘅酱汁而唔系常见嘅泰式辣汁，几特别。整体嚟讲都系一间值得支持味道唔错嘅泰菜小店，唯一可惜嘅系依度冇我最钟意嘅泰式奶茶🙈